HARURUAR 11:4 - BIBEL JAMITA NA DENGGAN

⁴ Jadi didok si Musa ma tu raja i, “Songon on pandok ni Tuhan, ‘Hira-hira tonga borngin, bolusonKu ma sude tano Mesir,

HARURUAR 11:4 ပူးပေါင်းရင်းမြစ်များ

2 SAMUEL 5:24

Muda adong dibege ho sora songon pardorom ni halak na marbaris di puncut ni angka hayu i, maju ma ho, angke Au do mardalan di jolomu laho manaluhon tentara ni Pilistin i.”

JOB 34:20

Di tonga borngin, ra do halahi mate tompu. Diuhumi Debata ma halahi jana halahi pe gabe magopu; mura do uhumanNia halak na gogo.

MASMUR 60:10

Ale Debata, situtu ni rohaMu do nada rap dohot hami? Nada he maju Ho rap dohot tentaranami i?

MASMUR 81:5

Dilehen do parenta i tu bangso Israel dompak na mangaroro Debata mangalo Mesir. Hubege do sora na so unjung hian dope hubege na salpu i,

HARURUAR 12:12

Di borngin i bolusanKu ma sude tano Mesir, jana bunuonKu ma sude anak halaklahi siangkaan, bope di jolma bope di pahan-pahanan. UhumanKu ma sude sombaon na di Mesir, angke Au do Tuhan.

HARURUAR 12:23

Muda dibolus Tuhan luat on laho mamunu angka halak Mesir, idaon ni Tuhan ma mudar na di pamalpal dohot tiang ni pintu i, gabe nada loasonNia be Surusuruan Pangago i masuk tu bagasmunu laho mamunu hamu.

HARURUAR 12:29

Di tonga borngin i, dibunu Tuhan ma sude anak halaklahi siangkaan di Mesir, mamungka sian anak siangkaan ni raja i, lalu tu anak siangkaan ni na di hurungan. Angka pahan-pahanan na parjolo sorang pe dibunu.

JESAYA 42:13

Ruar do Tuhan marporang songon ulubalang, madung hobas Ia, gogo do rohaNia laho marporang. Digora Ia ma pio-pio di parporangan, patuduhon kuasoNia di paraloan.

AMOS 4:10

Hutongos tu hamu nyae masa songon na hutongos tu Mesir. Humatehon angka doli-dolimunu di bagasan parporangan, jana hurampas angka kudomu. Hugohi inganan ni bandarmunu dohot bangke na manyusuk bauna tu igung. Haru songon i pe, laing nada mulak hamu tu Au.

AMOS 5:17

Di sude kobun anggur, mangandung ma halak, muda mardalan Au sian tonga-tongamunu,” ninna Tuhan.

MIKA 2:13

BukaonKu ma dalan jana obanonKu hamu haruar sian habuangan. Onjarkononmunu ma angka pintu ni horbangan jana kehe ma hamu so adong mangambat. Au Tuhan, Au sandiri Rajamunu, jana Au manguluhon hamu haruar.”

MATEUS 25:6

Dung tonga borngin, tarbege ma sora na pio-pio, ‘Ma ro bayo pangoli i! Beta ma taalo-alo!’ ninna.