HARURUAR 11:2 - BIBEL JAMITA NA DENGGAN

² Hara ni i dokkon ma tu halak Israel; suru ma halahi mangido angka barang sere, dohot perak sian hombar bagas ni halahi.”

HARURUAR 11:2 ပူးပေါင်းရင်းမြစ်များ

PAMUNGKAAN 24:53

Dung i dirungkari hatoban i ma pakean, perak dohot barang sere, laho pasahatkonsa tu si Ribka. Dohot tu ibotonia i pe, songon i tu inangna i dilehen ia muse do silehen-lehen angka sigodang arga.

PAMUNGKAAN 31:9

Songon i ma dibaen Debata laho mambuat pahan-pahanan nampuna ni amanta i laho mangalehensa di au.

MASMUR 105:37

Dung i ditaruhon Ia ma bangso Israel ruar, sere dohot perak dohot dioban; horas torkis do sude jana marhagogoan, di bagasan gomgoman ni Tuhan.

MASMUR 24:1

Tuhan do nampuna tano dohot pangisina, portibi dohot sude na manginganisa.

HARURUAR 3:21

Pasangapon ni halak Mesir i ma hamu baenonKu, di hatiha hakekehe ni bangsongKi, nada rumar tangan ni halahi.

HARURUAR 3:22

Ganop dadaboru sian bangso Israel angkon pangidoonna ma sian hombar bagasna halak Mesir, bope sian boru Mesir na maringanan di bagasna, pakean bope barang perak dohot sere. Papakehonon ni halahi ma i tu angka dakdanak ni halahi jana dohot dalan na songon i ma gabe dioban halahi sinadongan ni halak Mesir i.”

HARURUAR 32:24

Jadi hudok ma tu halahi anso dibukai halahi serena be. Dileheni halahi ma i tu au jana huambungkon ma tu bagasan api jana ruar ma anak ni lombu on!”

HARURUAR 35:22

Jadi marroan ma halahi, halaklahi dohot dadaboru sanga ise na taronjar rohana, marsioban anting-anting ni pinggol, tintin dohot borgokna sude ragam ni barang sere; songon i muse sanga ise na pasahatkon haul na sian sere tu Tuhan.

PODA 13:22

Halak na denggan pateankon sinadongan tu pomparanna; sinadongan ni pardosa pinda ma i tu halak na burju roha.

HAGAI 2:8

Au do nampuna sasude sere dohot perak na adong, ninna Tuhan Na Markuaso.

MATEUS 20:15

Na so tola do lakna hubaen roha-rohangku tu sinadonganku? Sanga na pis do matamu muda burju au tu halak na asing?’ ”