HARURUAR 10:9 - BIBEL JAMITA NA DENGGAN

⁹ Dialusi si Musa, “Sude do hami giot kehe, dakdanak dohot halak na matobang. Obanonnami do sude dakdanaknami, sude biri-biri dohot hambeng bope lombunami, angke na giot baenonnami ma pesta laho pasangap Tuhan.”

HARURUAR 10:9 ပူးပေါင်းရင်းမြစ်များ

PAMUNGKAAN 50:8

Halahi na sabagas pe, dohot angka kahanggina bope angka sisolkotnia na asing laing kehe do. Hum angka dakdanak na menek-menek dohot angka pahan-pahanan ni halahi noma na tading di Gosen.

HARURUAR 10:10

Ninna raja i ma, “Husumpahon ma mangasahon Tuhan paboa na so huloas angka dadaboru dohot dakdanakmunu! Madung tangkas, na mambaen kompolotan do hamu laho mangalo.

HARURUAR 10:26

Jana boanonnami do sude pahan-pahanannami, sada pe nada adong tinggalkononnami. Angkon pilionnami sandiri do pahan-pahanan sihaulkononnami tu Tuhan Debatanami. Painte so lalu tusi, nada hami boto dope sanga dia sian pahan-pahanan i sihaulkononkon tu Tuhan.”

HARURUAR 12:32

Oban hamu ma biri-biri, hambeng dohot lombumunu i, kehe ma hamu! Laing pangido hamu pasupasu di au!”

HARURUAR 12:37

Mardalan ma halak Israel sian Ramses tu kota Sukot. Bahat ni halahi adong do 600.000 halak so padohot dadaboru dohot dakdanak.

HARURUAR 12:38

Bahat dope halak na asing, bahat biri-biri, hambeng, lombu dohot angka pahan-pahanan na asing.

HARURUAR 13:6

Pitu ari lolotna angkon panganonmunu roti na so marragi, jana di ari papituhon angkon pamasaonmunu ma pesta laho pasangapkon Tuhan.

HARURUAR 3:18

Tangihonon ni bangsongKi do angka hata na nidokmu. Dung i kehe ma ho rap dohot angka hatobangon ni Israel mangadop tu raja ni Mesir mandok tusia, ‘Tuhan, Debata ni halak Ibrani madung ro pataridahon diriNa tu hami. Paloas ma hami kehe saonnari, hira-hira tolu ari pardalanan daona tu halongonan laho manghaulkon haul tu Tuhan, Debatanami.’ ”

HARURUAR 5:1

Dung i kehe ma si Musa dohot si Harun manopot raja Mesir, ninna halahi ma, “Songon on ma hata ni Tuhan Debata ni Israel, ‘Paloas ma bangsongKi kehe anso dibaen halahi ibadat tu Au di halongonan.’ ”

HARURUAR 5:3

Didok si Musa dohot si Harun ma, “Debata ni halak Ibrani i, madung ro manopot hami. Loas ma hami kehe tu halongonan, hira-hira tolu ari mardalan daona, laho manghaulkon haul tu Tuhan Debatanami. Muda nada hami baen i, bunuonNia ma hami marhite nyae sanga porang.”

PODA 3:9

Pasangap ma Tuhan marhite na manghaulkon na dumenggan sian suha ni tanomu tuSia,

PARJAMITA 12:1

Ingot ma Na Manompa ho taran di haposoonmu, painte so dapot angka taon na gok hasusaan. Anggo di hatiha i dokkononmu ma, “Nada martua ngolungku.”

BILANGAN 29:12

“Di tanggal lima bolas bulan pitu, angkon marlagut do hamu maribadat laho pasangap Tuhan. Pesta i angkon pestahononmunu pitu ari honokna. Salolot ni pesta i nada tola karejohononmunu barang aha pe.

EPESUS 6:4

Hamu angka dongan na dung mardakdanak! Ulang ma baen hamu na so patut tu dakdanakmunu anso ulang gabe muruk halahi. Tapi gumonan do ajari hamu halahi di aturan dohot pangajaran ni Tuhan.

JOSUA 24:15

Sugari sura nada ra hamu mangoloi tu Tuhan, laing sadari on ma baen hamu haputusanna, sanga na tu ise do giotmunu mangoloi: Tu angka debata na nisomba ni ompumunu najolo di Mesopotamia, sanga tu angka debata ni halak Amori na niingananmunu tanona saonnari do. Tapi anggo hami – au dohot dongan sabagasku – hum Tuhan do oloannami.”