HARURUAR 10:7 - BIBEL JAMITA NA DENGGAN

⁷ Dung i didokkon angka menteri i ma tu raja i, “Sadia honok nari sai arsahan ni halahon hita? Paloas ma halak Israel i kehe, anso maribadat halahi tu Tuhan Debata ni halahi. Nada he diida raja i sude tano Mesir madung sego?”

HARURUAR 10:7 ပူးပေါင်းရင်းမြစ်များ

MASMUR 107:34

Tano na napu dibaen Ia gabe tano garoga, hara ni hajahatan ni jolma na manginganisa.

HARURUAR 12:33

Gabe disosak halak Mesir i ma anso diompoti halak Israel i manadingkon luat i. Ninna halahi ma, “Mate ma hami sude muda nada kehe hamu!”

HARURUAR 23:33

Ulang padiar-diar hamu halahi mangingan-ingani luatmunu i; harana anggo dipadiar hamu do halahi disi, gabe mardosai do hamu baenon ni halahi. Muda disomba hamu angka debata ni halahi, madabu do hamu tu tirangkap ni hamatean.”

HARURUAR 7:5

Dung i botoon ni halak Mesir i ma bahaso Au do Tuhan, di hatiha Huuhumi halahi jana Huoban Israel haruar sian luat ni halahi.”

HARURUAR 8:19

gabe didok angka parelmu sihir i ma tu raja i, “Debata do mambaen on!” Tapi laing jogal do roha ni raja i, jana songon na nidok ni Tuhan, nada ra raja i manangihon si Musa dohot si Harun.

PODA 29:6

Tardapot do parjahat dibaen dosana, halak na tigor bebas jana moga pangkilalaanna.

PARJAMITA 7:26

Dapot au bahaso umpaet do dadaboru sian hamatean. Songon jala dohot tirangkap na cokang manangkup sitangkuponna do holong ni roha ni dadaboru. Panghaolna songon rante pambobok na togu. Malua do joratna i sanga ise na patuluskon lomo ni roha ni Debata, tapi anggo halak pardosa dapot do baenonna.

JESAYA 14:20

Disego-sego ho do antong tanomu jana dibunui ho bangsomu sandiri. Hara ni i ma da umbaen na so dikuburkon ho songon angka raja na asing i. Sahalak pe sian isi ni bagasmu na jahat i indangkan na adong malua.

JESAYA 51:9

Jonggor ma, jonggor ma! Pakehon ma hagogoan ale tangan ni Tuhan! jonggor ma songon di hatiha na robi di hatiha pomparan na jolo! Nada he Ho do na mangaropukkon si Rahab na maniham naga i lopus mate?

JEREMIA 48:4

Madung abis Moab! Tarbege do angguk ni halak na disi lalu tu Zoar.

JEREMIA 51:8

Tompu ma madabu Babel lalu sarge. Tangisi hamu ma i, jana jalahi hamu ma ubat tu angka gasana i, betak na ra dope malum.

ZEPANYA 1:18

Di ari na jorbut i pataridahonon ni Tuhan ma murukNa gabe nada tarbaen sere dohot perak ni halahi be paluahon halahi. Malala ma sude portibi on ditutung api ni hamuruhonNa i. Jadi ompot ma sintakkononNia sandok hosa na adong di tano on.

1 KORINTUS 7:35

Husurat pe songon i sudena, laho padenggankon hamu sandiri do, nada adong rohangku mangalarang on, sanga mangalarang i. Anggo giotku disi, anso tigor dohot na tama sajo sibaenonmunu, boti anso tarpasada hamu rohamunu tu Tuhan.

JOSUA 23:13

ingot hamu ma pasti nada paoroton ni Tuhan Debatamu angka bangso i di hamu. Tapi sabalikna, gabe parmaraan godang noma halahi di hamu, angke na gabe jorgong noma halahi sanga songon tirangkap di hamu. Halahi pe baenonna ma hamu markancit situtu; angke na gabe songon sambok-sambok do halahi tu tanggurungmunu sanga songon duri di bagasan matamunu. Sai torus ma hamu markancit lopus umpe adong be sahalak sian tonga-tongamunu na tading di luat na denggan on na nilehen ni Tuhan Debatamunu di hamu.

1 SAMUEL 18:21

Didok ia ma di bagasan rohania, “Huarihon ma si Mikal tu si Daud, anso tarjorat si Daud jana bolas bunuon ni halak Pilistin.” Jadi paduanolihon didok si Saul ma tu si Daud, “Saonnari bolas ma ho gabe baberengku.”

1 SAMUEL 5:11

Jadi gabe dipiohon halahi ma sude raja ni Pilistin anso marlagut, didok halahi ma, “Paulak hamu ma da Poti Parjanjian ni Israel i tu ingananna humani anso ulang hona bunu hita dohot sisolkotta.” Masa ma hagunturon godang di kota i sude, angke hona uhum na borat situtu do halahi dibaen Debata.