HARURUAR 10:5 - BIBEL JAMITA NA DENGGAN

⁵ Bahat situtu ma siapor, lopus ditutup halahi sude tano i. Papanganan ni siapor i ma sude na so sego dibaen ambolas i, salang angka batang ni hayu na tinggal i papanganan ni halahi.

HARURUAR 10:5 ပူးပေါင်းရင်းမြစ်များ

HARURUAR 10:12

Dung i didok Tuhan ma tu si Musa, “Surduhon ma tanganmu tu ginjang ni tano Mesir. Gabe ro ma siapor jana panganonna sude suan-suanan na tinggal dope dung udan ambolas i.”

HARURUAR 10:15

Ditutupi angka siapor i do sude tano, lopus lomlom idaon. Dipangan halahi do sanga aha sajo na tinggal dope dung salpu ambolas i dohot angka batu ni hayu. Nada adong be na rata na tading di hayu sanga di suan-suanan di sandok tano Mesir.

HARURUAR 10:4

Muda laing gagaanmu, ancogot paroonKu ma siapor tu luatmon.

HARURUAR 9:32

Tapi anggo gandum dohot sekoi nada sego harana nada podo musimna.

JOEL 1:4

Punguan ni siapor na so taretong bahatna, songgop di ladang mamangani suan-suananna. Sanga aha na tading dibaen punguan na sada, abis muse ma i dipangan na di pudina.

JOEL 2:25

GontionKu ma sude angka taon-taonmu, i ma angka suhana. Na dung abis dibaen siapor, siapor na sompor na pangabiskon, tantarangKu na bahat na Hulehen tu tonga-tongamunu.

JOEL 2:3

Dijolona api na manutung jana mambaen marmosohan dipudina gara ni api nada mar na mintop. Tano na dijolona songon kobun Eden, tapi dipudina songon halongonan na gariang jana nada adong na malua.