HARURUAR 10:26 - BIBEL JAMITA NA DENGGAN

²⁶ Jana boanonnami do sude pahan-pahanannami, sada pe nada adong tinggalkononnami. Angkon pilionnami sandiri do pahan-pahanan sihaulkononnami tu Tuhan Debatanami. Painte so lalu tusi, nada hami boto dope sanga dia sian pahan-pahanan i sihaulkononkon tu Tuhan.”

HARURUAR 10:26 ပူးပေါင်းရင်းမြစ်များ

HARURUAR 10:25

Dialusi si Musa ma, “Anggo songon i do, angkon dilehen raja i ma pahan-pahanan di hami baen sihaulkonon dohot haul situtungon tu Tuhan, Debatanami.

HARURUAR 10:9

Dialusi si Musa, “Sude do hami giot kehe, dakdanak dohot halak na matobang. Obanonnami do sude dakdanaknami, sude biri-biri dohot hambeng bope lombunami, angke na giot baenonnami ma pesta laho pasangap Tuhan.”

HARURUAR 12:32

Oban hamu ma biri-biri, hambeng dohot lombumunu i, kehe ma hamu! Laing pangido hamu pasupasu di au!”

HARURUAR 8:27

Angkon tu halongonan do hami kehe tolu ari pardalanan daona laho manghaulkon haul tu Tuhan Debatanami, songon na niparentahonNia hian tu hami.”

PODA 3:9

Pasangap ma Tuhan marhite na manghaulkon na dumenggan sian suha ni tanomu tuSia,

JESAYA 23:18

Haulkononnia ma tu Tuhan labo dohot upa na dapotnia jana nada simpanonna. Pargunahonon ni angka halak na manyomba Tuhan ma i baen panobusi ni balanjo dohot pakean na porlu di halahi.

HOSEA 5:6

Haulkonon ni halahi ma biri-biri dohot lombu ni halahi baen haul di Tuhan, tapi nada marguna sudena i. Angke madung ditadingkon Tuhan halahi, jana nada tarbaen halahi be padumpang dohot ia.

ZAKARIA 14:20

Di ari i, gorgahonon ma tu angka giring-giring na di abit ni kudo hata na mandok, “Dihapunjungkon di Tuhan.” Argahonon ma angka hudon na di Bagas Ni Tuhan songon angka mangkuk parhaulan na di jolo ni langgatan.

2 KORINTUS 8:5

Dilehen halahi pe i, nada hara ni na hami hirim i sian halahi, tapi hara ni na jolo dipasahat halahi do dirina tu Tuhan, dung i tu hami muse, angke i do jop ni roha ni Debata.

IBRANI 11:8

Hara ni na porsaya, gabe dioloi si Abraham Debata, di na nipio ni Debata ia jana disuru anso kehe tu luat na nijanjihon ni Debata tusia. Dung i kehe do si Abraham so pola diboto ia sanga na giot tudia ia kehe.