HARURUAR 10:23 - BIBEL JAMITA NA DENGGAN

²³ Nada marsipaidaan be halak Mesir dohot donganna, jana sahalak pe nada adong na maninggalkon bagasna na tolu ari i. Hape anggo di inganan ni halak Israel i tongtong do adong na torang.

HARURUAR 10:23 ပူးပေါင်းရင်းမြစ်များ

HARURUAR 14:20

di antara ni halak Mesir dohot halak Israel. Gabe golapan ma sude halak Mesir i hara ni ombun i, hape anggo di halak Israel torang do, jabat nada tarbaen padonok-donok parangan na dua i.

HARURUAR 7:25

Ma pola pitu ari salpu dung diburai Tuhan Batang aek Nil i.

HARURUAR 8:18

Angka parelmu sian halak Mesir i giot manguji elmu ni halahi mambaen angka rongit i, tapi nada malo halahi. Sap sude rongit,

HARURUAR 8:19

gabe didok angka parelmu sihir i ma tu raja i, “Debata do mambaen on!” Tapi laing jogal do roha ni raja i, jana songon na nidok ni Tuhan, nada ra raja i manangihon si Musa dohot si Harun.

HARURUAR 8:22

Tapi asing baenonKu anggo tu tano Gosen, inganan ni bangsongKi. Anggo disi nada adong lanok, anso diboto hamu, Au do Tuhan na manguhum luat on.

HARURUAR 9:26

Anggo di tano Gosen, inganan ni halak Israel i, hum sasada i ma inganan na so hona ambolas.

HARURUAR 9:4

Asing do baenonKu tu pahan-pahanan ni halak Israel sian pahan-pahanan ni halak Mesir. Sada pe nada adong na mate sian pahan-pahanan ni halak Israel.

JESAYA 42:16

Giot toguonKu na mapitung i mamolus dalan na so ditanda halahi Humani. Hagolapan Hubaen gabe na torang di halahi, dalan na margaba-gobi Hubaen mangornop. I ma janjingKu tu halahi jana patulusonKu ma sudena i.

AMOS 4:7

Au do na mangantak ulang ro udan di na porlu situtu maraek suan-suananmunu. Huparo udan tu kota na sada, tapi tu kota na asing nada. Ladang na sada por udan, hape ladang na asing halogoan.

MALEAKI 3:18

Mangulahi ma idaon ni bangsongKu na asing do bagian ni halak na burju sian na jahat, bagian ni halak na marpangoloion tu Au dohot halak na so mangoloi tu Au.”

KOLOSSE 1:13

Madung dipalua Ia hita sian kuaso ni hagolapan jana dipaimbar Ia hita tu bagasan kuaso ni pangarajaion ni Anak haholonganNia i.

JOSUA 24:7

pio-pio ma halahi tu au mangido tolong. Jadi gabe manggolap Hubaen inganan antara ni halahi dohot angka halak Mesir i, jana Huparo aek ni laut mangalingkup angka halak Mesir i lopus bonom halahi sudena. Pendekna, sanga aha na Hubaen maradopkon Mesir, sudena i diboto hamu do. Dung i honok sajo ma hamu maringanan di parhorsihan.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.