HARURUAR 10:17 - BIBEL JAMITA NA DENGGAN

¹⁷ Sesa ma dosangki sanoli on, martangiang ma hamu tu Tuhan Debatamunu, anso ditarik Ia mulak uhum hamatean on sian au.”

HARURUAR 10:17 ပူးပေါင်းရင်းမြစ်များ

1 RAJA-RAJA 13:6

Dung i didok Raja Jerobeam ma tu panurirang i: “Tolong ma jolo jana martangiang ho tu Tuhan Debatamu hara ni au. Pangidohon ma anso dipamalum Ia tangankon!” Jadi martangiang ma panurirang i tu Tuhan, gabe malum ma tangan ni raja i.

2 RAJA-RAJA 4:40

Dung i disonduk ma sian pangalompaan i jana dilehen ma i tu angka panurirang i anso dipangan. Jana dung dipangan halahi sipanganon i, mangangguhi ma halahi tu si Elisa ninna ma, “Rasun di bagasan huali i, ale naposo ni Debata!” Dung i nada dipangan halahi be.

HARURUAR 8:28

Ninna raja i ma, “Hupaloas pe hamu kehe tu halongonan, laho manghaulkon haul tu Tuhan Debatamunu i, asal ma ulang dao hamu kehe. Antong, tangiangkon ma au!”

HARURUAR 8:4

Mangamburi ma tohuk i tu pamatangmu, tu pamatang ni rayatmu dohot tu sude menterimu.’ ”

HARURUAR 8:8

Dipio raja i ma si Musa dohot si Harun, ning ia ma, “Tangiangkon ma tu Tuhan, anso dipakehe Ia angka tohuk on, dung i huloas pe kehe bangsomi manghaulkon haul tu Tuhan.”

HARURUAR 9:27

Dung i disuru raja i ma anso dipio si Musa dohot si Harun, ninna ma, “Madung mardosa au sanoli on. Tigor do Tuhan i tapi au do dohot rayatku na marsala.

HARURUAR 9:28

Tangiangkon hamu ma tu Tuhan, madung tuk parkancitannami dibaen ambolas on. Marjanji ma au laho paloaskon hamu kehe. Indangkon pola tinggal be hamu dison.”

JESAYA 26:16

Ale Tuhan, hatiha na sompit dijalahi halahi do Ho, hatiha hona uhumMu, tu Ho do halahi pio-pio di bagasan tangiang.

BILANGAN 21:7

Jadi ro ma halak Israel manopot si Musa, ninna ma, “Madung mardosa hami hara ni ungut-ungutnami tu Tuhan dohot tu ho. Pangido ma saonnari tu Tuhan anso dipadao ulok on sian hami.” Jadi ditangiangkon si Musa ma bangso i.

BAENON NI ANGKA RASUL 8:24

Dung i didok si Simon ma tu si Petrus dohot si Johannes, “Tolong ma jolo tangiangkon hamu au tu Tuhan anso ulang tulus tarjadi tu au sanga aha na nidokmunu i.”

SURAT NI SI PAULUS TU PARLAGUTAN ROM 15:30

Hara ni Tuhanta Jesus Kristus dohot hara ni holong ni roha na nilehen ni Tondi i, gomos ma hupangido tu hamu angka dongan, anso dohot ma nian hamu marsitutu martangiang rap dohot au tu Debata taringot tu au.

2 KORINTUS 1:10

Ia do na palua hami sian parmaraan godang na giot mamatehon i. Jana laing paluaonNia do hami tu angka ari na giot ro, angke tuSia do hami mararop ni roha.

1 SAMUEL 15:25

Tapi saonnari pangidoanku tu ho amang, sesa ma dosangki jana rap mulak ma hita tu Gilgal anso tarbaen au maribadat tu Tuhan.”