HARURUAR 1:7 - BIBEL JAMITA NA DENGGAN

⁷ Anggo pomparan ni halahi, i ma angka halak Israel, maranak marpahompu bahat situtu, jana bilangan ni halahi pe mur martamba-tamba, pola sude luat i digohi halahi.

HARURUAR 1:7 ပူးပေါင်းရင်းမြစ်များ

PAMUNGKAAN 1:20

Dung i mangkuling ma Debata, “Maringanan ma ragam-ragam ni angka na mangolu di aek i dohot angka unggas manggohi awang-awang i.”

PAMUNGKAAN 1:28

Dipasupasu Debata ma halahi, didok Ia ma, “Gabe ma hamu maranak marpahompu, lopus sude sisik ni tano on diingani jana dirajai pomparanmu. Hupasahat ma tu hamu mangurus angka ihan, unggas dohot sude binatang riar.

PAMUNGKAAN 12:2

Hulehen pe bahat di ho pomparanmu jana gabe bangso na godang ma halahi. Hupasupasu pe ho jana tarbonggal pe goarmu Hubaen, lopus gabe pasupasu ho di halak na bahat.

PAMUNGKAAN 13:16

LehenonKu ma di ho bahat pomparanmu, jabat nada adong sahalak pe na tarbaen mangetongsa. Songon abu na di tano i, na so adong halak na sanggup mangetongsa, laing songon i ma pomparanmu nada taretong sanga ise.

PAMUNGKAAN 15:5

Dioban Ia ma si Abram tu ruar jana didok Ia ma tusia, “Tatap ma tu langit, jana etongi ma jolo angka bintang i: Songon i ma bahat ni pomparanmu sogot.”

PAMUNGKAAN 17:16

PasupasuonKu ma ia jana tubuhononnia ma sada anak halaklahi na giot lehenonKu di ho. Ligi da, pasupasuonKu ma si Sara, jana gabe ina ni angka bangso ma ia. Sian angka pomparannia, adong ma na gabe angka raja.”

PAMUNGKAAN 22:17

Marjanji ma Au, paboa baenonKu ma pomparanmu sabahat ni bintang na di langit sanga sabahat ni horsik na di topi ni laut. Taluhonon ni angka pomparannia ma angka musu ni halahi.

PAMUNGKAAN 26:22

Dung i pinda muse ma ia sian i jana dihuar ma mangulahi sumur na patoluhon. Anggo sanoli on, nada masa be partangkangan, jadi hara ni i dibaen si Ishak ma goar ni sumur i, “Haluaan”. Didok ia, “Saonnari madung dilehen Tuhan di hita haluaan anso tola hita maringanan di luat on jana dison ma hita anso makmur.”

PAMUNGKAAN 26:4

LehenonKu do hagabean anso maranak marpahompu ho sabahat ni bintang na di langit jana lehenonKu do sude luat on tu halahi. Pangidohonon ni bangso na satano on ma sudena tu Au anso Hupasupasu halahi songon pamasumasungKu di pomparanmu.

PAMUNGKAAN 28:14

Songon bahat ni abuan na di tano on ma bahat ni pomparanmu. Pabidangonmu ma tano ni halahi tu ganup humaliang, jana markite-hite ho dohot pomparanmu, pasupasuonKu ma sude bangso na di tano on.

PAMUNGKAAN 35:11

Jadi didok Debata ma tusia, “Au do Debata Na Gumogo. Sai gabe ma ho, marpomparan na bahat! Ruar ma sian ho angka bangso jana gabe ompung ni angka raja-raja ma ho.

PAMUNGKAAN 46:3

“Au do Debata, Debata na nisomba ni amangmu,” ninna. “Ulang pola mabiar ho kehe tu Mesir. BaenonKu ma gabe bangso na godang pomparanmu disi.

PAMUNGKAAN 47:27

Songon i ma dalanna gabe laing maringanan halak Israel di Mesir, i ma Luat Gosen. Mur kayo ma halahi jana magabe.

PAMUNGKAAN 48:16

Ia do Surusuruan na paluahon au sian sandok parmaraan. Sai Debata i ma na mamasumasu dakdanak on. Sai hot ma mangolu goarku dohot goar ni si Abraham dohot si Ishak hara ni angka dakdanak on! Sai gabe ma hamu jana mur martamba bahat pomparanmu!”

PAMUNGKAAN 48:4

Didok Debata tu au, ‘LehenonKu ma di ho bahat pomparanmu anso gabe bangso na bahat pomparanmi; lehenonKu ma di pomparanmu luat on gabe tano ni halahi ro di salolot-lolotna.’ ”

PAMUNGKAAN 9:1

Dipasupasu Debata ma si Noak dohot angka dakdanaknia i jana didok Ia ma, “Maranak marpahompu ma hamu, anso diingani pomparanmunu tano on sude.

NEHEMIA 9:23

Dijadihon Ho do pomparan ni halahi, sabahat ni angka bintang na di langit i. Dilehen Ho do tano di halahi baen siingananna, tano na nijanjihonMu tu angka ompuna.

MASMUR 105:24

Dilehen Tuhan hagabean di bangsoNa, gabe gumogo halahi sian alona.

MASMUR 107:38

Dibasa-basahon Tuhan di halahi bahat anak, jana pahan-pahanan ni halahi pe sai mamopari.

HARURUAR 1:12

Tapi mur diparkanciti halak Mesir i halak Israel, mur mabahat do halahi, jana mur digohi halahi luat i, pola tehe mur mabiar halak Mesir i mida halahi.

HARURUAR 12:37

Mardalan ma halak Israel sian Ramses tu kota Sukot. Bahat ni halahi adong do 600.000 halak so padohot dadaboru dohot dakdanak.

HARURUAR 5:5

Madung umbahat bilangan ni bangsomu sian bangso Mesir. Saonnari giotmunu maradian halahi markarejo!”

JEHESKIEL 16:7

jana simbur magodang songon suan-suanan di ladang. Tibu do ho magodang jana tuk umurmu, hatiha haposoonmu pe madung salpu. Jadi tolmok ma adopmu, tubu ma obukmu, tapi salangsalang do ho.

BAENON NI ANGKA RASUL 13:17

Madung dipili Debata ni Israel angka ompunta i, jana dibaen Ia gabe bangso na godang bangsonta on hatiha halak dagang halahi di tano Mesir, dung i diparuar Ia ma halahi sian i markite-hite gogoNia.

PANGARATAION 10:22

Di na kehe ompumunu tu Mesir, hum pitu pulu halak do bahat ni halahi. Hape dibaen Tuhan Debatamunu do bahat ni bilangan ni halahi sabahat ni angka bintang na di langit i.”

PANGARATAION 26:5

Dung i di adopan ni Tuhan angkon pajojoronmu do hata on: ‘Halak Aram na mimbarimbar do daompung, sada halak na madang-adang na so adong bagas ingananna. Dioban ia do ripenia tu Mesir anso maringanan ia disi. Di na kehe i tusi, saotik do bilangan ni halahi, hape gabe bangso na godang do halahi jana na gogo.