HARURUAR 1:16 - BIBEL JAMITA NA DENGGAN

¹⁶ Ninna raja ni Mesir i ma tu angka bidan i, “Muda ditolong hamu ina ni halak Ibrani na giot manubuhon dakdanak, ingot ma on: Muda halaklahi do na sorang i, bunu hamu! Tapi anggo dadaboru do, padiar hamu ma mangolu.”

HARURUAR 1:16 ပူးပေါင်းရင်းမြစ်များ

MASMUR 105:25

Dibaen Ia halak Mesir margoyak ni roha mida bangsoNia, jana mambaen akal busuk tu angka naposoNia.

HARURUAR 1:15

Dung i ninna raja Mesir i ma tu angka bidan na manolong angka ina ni halak Ibrani di na laho manubuhon dakdanak. Bidan i na sada margoar si Sipra, na sada nari margoar si Pua.

HARURUAR 1:22

Jadi diparentahon raja i ma mangulahi tu sude rayatnia, “Sude anak halaklahi di halak Ibrani na baru sorang angkon niambungkon tu Batang aek Nil, tapi sude dakdanak dadaboru, padiar ma mangolu.”

MATEUS 21:38

Tapi dung diida angka na mamola kobun i anak ni partano na bidang i martahi ma halahi, ‘Ah! Ma ro anak ni partano na bidang i. Aha dope, tabunu ma i anso di hita sude tean-teananna i!’

BAENON NI ANGKA RASUL 7:19

Jadi diakal-akali raja i ma halak hita i, diparkanciti ia ma angka ompunta i. Dipaksa ia ma ambungkononkon angka dakdanak ni halak hita na baru sorang anso ulang mur mabahat halahi.

IBRANI 11:23

Hara ni na porsaya, gabe ditabunihon natorasna do si Musa tolu bulan honokna dung sorang ia. Diida halahi na denggan do dakdanak i jana nada mabiar halahi mangalo parenta ni raja.

HALUMBAAN 12:4

Disarat ia ma dohot lailainia i sapartolu sian angka bintang na di langit i, disampakkon ia ma i tu tano on. Jongjong ma naga i di jolo ni anak boru na giot manubuhon dakdanakNa i anso manigor dipolgak ia Dakdanak i disi sorang.