HARURUAR 1:12 - BIBEL JAMITA NA DENGGAN

¹² Tapi mur diparkanciti halak Mesir i halak Israel, mur mabahat do halahi, jana mur digohi halahi luat i, pola tehe mur mabiar halak Mesir i mida halahi.

HARURUAR 1:12 ပူးပေါင်းရင်းမြစ်များ

PAMUNGKAAN 46:3

“Au do Debata, Debata na nisomba ni amangmu,” ninna. “Ulang pola mabiar ho kehe tu Mesir. BaenonKu ma gabe bangso na godang pomparanmu disi.

NEHEMIA 9:23

Dijadihon Ho do pomparan ni halahi, sabahat ni angka bintang na di langit i. Dilehen Ho do tano di halahi baen siingananna, tano na nijanjihonMu tu angka ompuna.

JOB 5:2

Hum halak na bodo sun do na mate hara ni hancit ni rohana sajo.

MASMUR 105:24

Dilehen Tuhan hagabean di bangsoNa, gabe gumogo halahi sian alona.

MASMUR 107:38

Dibasa-basahon Tuhan di halahi bahat anak, jana pahan-pahanan ni halahi pe sai mamopari.

HARURUAR 1:20

Dung i dibaen Debata ma na denggan tu angka bidan i, dilehen ma pomparan ni halahi, angke halak na mabiar mida Debata do halahi. Jana halak Israel pe mur mabahat dope jana mur gogo.

HARURUAR 1:7

Anggo pomparan ni halahi, i ma angka halak Israel, maranak marpahompu bahat situtu, jana bilangan ni halahi pe mur martamba-tamba, pola sude luat i digohi halahi.

HARURUAR 1:9

Didok ia ma tu rayatnia i, “Na gabe parmaraan do halak Israel on di hita, hara ni bahat ni halahi boti gogona.

PODA 21:30

Muda Tuhan mangalo ho nada adong tarbaen manolong; magopo do hapistaran, sinaloan dohot habisuhon.

PODA 27:4

Kejam do haririmas jana manyegohon, tapi ise ma na tahan mangadopi pangiburuon?

BILANGAN 22:3

Mabiar ma ia dohot sude rayat ni Moab maradopkon halak Israel, dibaen bahat do halahi.

JOHANNES 12:19

Dung i marsipandohonan ma angka halak Parise i ninna halahi ma, “Nada adong gunana ro hita tuson! Ligi hamu ma, ma gabe sude na satano on mangihutkon Ia!”

SURAT NI SI PAULUS TU PARLAGUTAN ROM 8:28

Taboto do, Debata do na mangatur sasudena, anso gabe manjalak tu dengganna di angka halak na mangkaholongi Ia jana na nipiohonNia hombar tu sangkapNia.

PANGARATAION 26:5

Dung i di adopan ni Tuhan angkon pajojoronmu do hata on: ‘Halak Aram na mimbarimbar do daompung, sada halak na madang-adang na so adong bagas ingananna. Dioban ia do ripenia tu Mesir anso maringanan ia disi. Di na kehe i tusi, saotik do bilangan ni halahi, hape gabe bangso na godang do halahi jana na gogo.