HARURUAR 1:10 - BIBEL JAMITA NA DENGGAN

¹⁰ Sugari masa ma porang, aropku satahi ma halahi dohot musu i, mangalo hita, dung i tinggalkonon ni halahi ma luat on. Angkon jalahanta ma dalan laho mangambati anso ulang mur tu bahatna halahi.”

HARURUAR 1:10 ပူးပေါင်းရင်းမြစ်များ

MASMUR 10:2

Mardongan jungkat halak na jahat i mamparkanciti na dangol; padiar ma hara ni hajahatanna gabe halahi manaon.

MASMUR 105:25

Dibaen Ia halak Mesir margoyak ni roha mida bangsoNia, jana mambaen akal busuk tu angka naposoNia.

PODA 1:11

Sugari sura didok halahi, “Beta tajalahi ma jolma jana tabunu. Beta ma marjop ni roha hita marhite na manyaroso halak na so marsala.

PODA 16:25

Adong do dalan diambang halak laho tu hangoluan, hapengani dalan laho tu hamatean.

PODA 21:30

Muda Tuhan mangalo ho nada adong tarbaen manolong; magopo do hapistaran, sinaloan dohot habisuhon.

BILANGAN 22:6

Umbahat do halahi sian hami. Hara ni i, ro ma ho! Burai ma halahi, anso taralo hami halahi laho mangusir halahi sian luatnami on. Pos do rohangku, dapotan pasupasu do na nipasupasumu, jana hona bura do na niburaanmu.”

BAENON NI ANGKA RASUL 23:12

Manyogotna i, adong ma halak Jahudi marlagut mambaen kompolotan. Disumpahon halahi ma na so ra halahi mangan sanga minum anggo so jolo dibunu halahi si Paulus.

BAENON NI ANGKA RASUL 7:19

Jadi diakal-akali raja i ma halak hita i, diparkanciti ia ma angka ompunta i. Dipaksa ia ma ambungkononkon angka dakdanak ni halak hita na baru sorang anso ulang mur mabahat halahi.

1 SAMUEL 29:4

Tapi muruk ma angka panglima ni Pilistin i tu si Akhis jana didok ma tusia, “Suru ma halahi mulak tu kota na nilehenmi di halahi. Nada tola ia marporang rap dohot hita; nada sai binoto marbalik ia mangalo hita di tonga-tonga ni parporangan i. Nada he hatiha hadenggananna on disia anso mardame mangulahi marhite na mamunu paranganta?