HAMALIMON 9:9 - BIBEL JAMITA NA DENGGAN

⁹ Dung i dioban anak ni si Harun ma mudar sihaulkonon i tu si Harun, lalu disornopkon ia ma jari-jarinia tu mudar i, dung i didaiskon ia tu na opat suhi ni langgatan i, dung i disiramkon ia mudar na lobi i tu pat ni langgatan i.

HAMALIMON 9:9 ပူးပေါင်းရင်းမြစ်များ

JEHESKIEL 43:15

Bagian na patoluhon on ma inganan panutungan ni haul; dua meter gincatna. Di suhi-suhina na opat i adong do na mandungkul songon tanduk.

JEHESKIEL 43:20

Buat ma saotik mudarna i jana apuskon ma tu angka tanduk na di suhi-suhi na opat i na di bagian parginjang ni langgatan i, songon i di suhi-suhi ni bagian partonga i dohot di topi-topi humaliang ni langgatan i. Songon i ma baenonna mambaen badia langgatan i dohot mambaen i gabe hapunjunganKu.

HAMALIMON 16:18

haruar ma si Harun kehe tu langgatan ni haul situtungon laho pabadiahon langgatan i. Angkon buatonnia saotik sian mudar ni lombu dohot hambeng i, anso diusehon tu ginjang ni angka tanduk na di suhi-suhi ni langgatan i.

HAMALIMON 4:25

Angkon disornopkon malim i ma jari-jarina tu bagasan mudar ni pahan-pahanan i jana diapuskon tu angka tanduk na di suhi-suhi ni langgatan i. Lobi ni mudar i diusehon ma tu ojahan ni langgatan.

HAMALIMON 4:30

Sornopkonon ni malim i ma jari-jarina tu bagasan mudar ni pahan-pahanan i lalu didaiskon ia tu angka tanduk na di suhi-suhi ni langgatan i, lalu diusehon ia mudar na lobi i tu ojahan ni langgatan i.

HAMALIMON 8:15

Disambol si Musa ma lombu i, dibuat ia deba mudarna, didaiskon ia ma mudar ni lombu i dohot jari-jari ni tangannia tu angka tanduk na di suhi-suhi ni langgatan i, anso gabe Debata nampuna langgatan i. Disaburkon ia ma mudar na lobi i tu ojahan ni langgatan i. Songon i ma pangalahona paias langgatan i mangihutkon ugamo sipasahaton tu Tuhan.

HAMALIMON 9:10

Tabo-tabo, pia dohot juhut na dumenggan sian sihaulkonon i ditutung ia di ginjang ni langgatan i songon na dung didok Tuhan i hian tu si Musa.

HAMALIMON 9:12

Dung i dibuat si Harun ma pahan-pahanan na giot baenon haul situtungon disia, lalu disambol ia. Dioban angka anak ni si Harun ma mudar i tusia lalu diusehon ia tu na opat topi ni langgatan i.

HAMALIMON 9:18

Lombu jantan dohot hambeng jantan disambol ia gabe haul haluaan hara ni na bahat i. Dioban angka anaknia ma mudar ni pahan-pahanan i tusia lalu disiramkon mudar i tu na opat topi ni langgatan i.

IBRANI 2:10

Madung sapatutna nian baenon ni Debata na manompa jana na pangolu sasudena – Jesus gabe sanggam hara ni parkancitanNa i. Jadi hara ni i tarpiohon Jesus do bahat halak anso dohot nipasangap rap dohot Ia. Angke Ia do na mambaen dalan di halahi anso tola dohot nipalua.