HAMALIMON 9:4 - BIBEL JAMITA NA DENGGAN

⁴ Dung i na gabe haul haluaan angkon obanon ni halahi sada lombu jantan dohot sada hambeng jantan. Pasahaton ma sudena i tu Tuhan rap dohot haul gandum na nicampur dohot miak. Angkon baenon ni halahi songon i, angke di ari i ma ro Tuhan manopot halahi.”

HAMALIMON 9:4 ပူးပေါင်းရင်းမြစ်များ

HARURUAR 16:10

Hatiha mangkobari dope si Harun tu bangso i sude, humusor ma halahi adop parhorsihan, jana tompu ma diida halahi sumirlak sinondang ni Tuhan di bagasan ombun i.

HARURUAR 19:11

Haduan, angkon hobas ma halahi sude. Di ari i ma Au mijur di ginjang ni Dolok Sinai, anso disi tarbaen halahi sude marnida Au.

HARURUAR 24:16

Mijur muse ma sinondang na manyirlak sian hamianan ni Tuhan tu ginjang ni dolok i. Songon api na gara do diida halak Israel sinondang i di ginjang dolok i. Ditutupi ombun do dolok i onom ari lolotna. Di ari papituhon, pio-pio ma Tuhan sian ombun i tu si Musa.

HARURUAR 29:43

Disi ma Au marsuo dohot bangso Israel, jana gabe badia ma inganan i baenon ni sinondang na sumirlak hara ni na ro Au disi.

JEHESKIEL 43:2

jana huida ma disi ro sian sabola Habincaran sinondang na marsilo-silo na patandahon haroro ni Debata ni Israel. Tarbege ma sora ni Debata songon laut na gumadobur, jana marlinang-linang ma tano on hara ni sinondang ni haroro ni Debata.

JEHESKIEL 43:27

Dung marujung sipitu ari i, angkon mamungka ma angka malim mangkaulkon haul situtungon dohot haul pardamean di bangso i di ginjang ni langgatan i. Jadi gabe jop ma rohangKu mida hamu sudena. Au Tuhan Debata madung mandok songon i.”

HAMALIMON 2:1

Muda adong sada halak na giot manghaulkon gandum tu Tuhan i, angkon jolo nigiling do gandum i lamot gabe topung. Dung i diusehon ma tu topung i miak zetun jana di ginjangna nipayakkon hamonyan,

HAMALIMON 3:1

Muda giot sombahonon ni sada halak sada lombu gabe haul haluaan, angkon lombu jantan sanga boru-boru na so martihas.

HAMALIMON 9:23

Dung i masuk ma si Musa dohot si Harun tu Bandar Parmianan Ni Tuhan, di hatiha haruar halahi, dipasupasu halahi ma na bahat i. Marsinondang ma inganan ni Tuhan silo sinondangna diida na bahat i.

HAMALIMON 9:3

Dung i suru muse ma halak Israel maroban haul na gabe hasesaan ni dosa sada hambeng jantan bope gabe haul situtungon sada anak ni lombu dohot sada anak ni biri-biri rap marumur sataon jana na so adong tihasna.

HAMALIMON 9:5

Sude na nitonahon ni si Musa i, dioban halahi ma tu jolo ni Bandar Parmianan, lalu marlagut ma sude na bahat i disi laho manyomba Tuhan.

HAMALIMON 9:6

Dung i didok si Musa ma, “Sude hamu madung disuru Tuhan i mambaen songon on, anso tarligi hamu sinondang na silo i na ro sian inganan ni Tuhan.”

BILANGAN 14:10

Sude halahi mangancam giot mandangguri halahi na opat dohot batu lopus mate. Hape tompu ma diida angka jolma i sinondang na silo situtu sian Inganan Ni Tuhan, ruar sian ginjang ni Bandar ParmiananNa i.

BILANGAN 16:19

Dung i dipalagut si Korah ma sude na bahat i, dung i jongjong ma halahi paadop-adop dohot si Musa dohot si Harun di pintu ni Bandar Parmianan Ni Tuhan. Tompu ma tarida di sude na bahat i sinondang haroro ni Tuhan Debata manyirlak-nyirlak mambaen silo.