HAMALIMON 9:24 - BIBEL JAMITA NA DENGGAN

²⁴ Dung i dipaijur Tuhan ma api na manutung sude haul situtungon dohot goar-goaran na martabo-tabo di ginjang ni langgatan i. Di na niida ni angka jolma i na masa i, sude ma halahi marsurak jana unduk manyomba.

HAMALIMON 9:24 ပူးပေါင်းရင်းမြစ်များ

PAMUNGKAAN 15:17

Dung borngin tompu ma tarida sada dalihan na martimus dohot obor na gara, na mamolus di antara ni bola-bolaan ni juhut i.

PAMUNGKAAN 17:3

Gabe manungkap ma si Abram, dung i didok Debata ma,

2 RAJA-RAJA 19:15

Martangiang ma ia, ning ia, “O Tuhan, Debata ni Israel na maringanan di ginjang ni angka kerub, hum sasada Ho do Debata na mamarenta sandok harajaan di sisik ni tano on. Ho do na manjadihon langit dohot tano.

1 JUJUR TAON 21:26

Di inganan i ma dipajongjong si Daud langgatan di Tuhan jana dihaulkon ia ma haul situtungon dohot haul pardamean disi. Dung salpu i martangiang ma ia jana dialusi Tuhan do tangiangnia i markite-hite na paijur api sian langit manutungi angka haul na di ginjang ni langgatan i.

2 JUJUR TAON 6:2

Saonnari hupajongjong di Ho bagas na songon bagas godang, ingananMu ma i songon bagas godang, ingananMu ma i salolot ni lolotna.”

ESRA 3:11

Diendehon rayat i ma puji-pujian di Tuhan, diulak-ulahi ma bagian na parpudi i, songon on ma sorana, “Na burju do Tuhan i; jana hot do sapanjangna holong ni rohaNia tu Israel.” Marsurak ma sude rayat i dohot mamuji Tuhan, hara ni na dung dipayakkon pondasi ni Bagas Ni Tuhan.

MASMUR 80:1

Ale Parmahan ni Israel, tangihon ma hami, Ho do pamimpin ni bangsoMu, sai parrohahon hami. Ho na marhabangsa di ginjang ni kerub, ro ma Ho mardongan sahala na godang.

HARURUAR 3:2

Ro ma surusuruan ni Tuhan tusia di bagasan jilam ni api na ruar sian ramba i. Diida si Musa do ramba i marjilam, hape nada mosok.

HAMALIMON 10:2

Tuhan i sandiri do parohon api na manutung halahi lalu mate disi, di Bandar Parmianan Ni Tuhan.

HAMALIMON 6:13

Angkon tongtong do marjilam api i, nada tola padiaron mintop.

BILANGAN 14:5

Gabe dipaunduk si Musa dohot si Harun ma di jolo ni halak na bahat i.

BILANGAN 16:22

Tapi dipaunduk si Musa dohot si Harun ma manyomba lalu didok halahi, “Ale Debata, Ho do na mangalehen hangoluan tu sude na mangolu. Muda mardosa sahalak, sude dehe halak na bahat on muruhanMu?”

BILANGAN 23:21

Huida ari pangapudian ni Israel na marbungaran; nada hona bala dohot mara Tuhan, i do Debatana. Tudia pe tongtong do dohot Ia. Didok halahi: Ibana do Raja!

MATEUS 26:39

Dung i kehe ma Jesus tar dumao saotik, tungkap ma Ia tu tano laho martangiang, “O Amang,” ning Ia, “Anggo tarbaen do, padao ma sian Au parkancitan na angkon jagitonKu. Tapi ulang ma hagiotKu na tulus, baen ma songon na dihagiotiMu.”

HALUMBAAN 4:9

Diendehon mahluk siopat-opat i ma angka logu ni ende na pasangapkon jana na marmulia dohot na mandok tarimakasi tu na juguk di habangsa i, i ma na mangolu i salolot-lolotna. Jana di na marende i angka mahluk i,

HALUMBAAN 5:8

Jadi taran songon i dope, manungkap ma mahluk na opat i dohot pangituai sidua pulu opat halak i di joloNia. Marsitiop hasapina do pangituai na dua pulu opat halak i dohot mangkuk sere na marisi hamonyan, i ma angka tangiang ni halak na badia.

HALUMBAAN 7:11

Jadi jongjong ma angka surusuruan i humaliang habangsa i dohot humaliang angka pangituai i dohot humaliang mahluk na opat i. Manungkap ma angka surusuruan i di jolo ni habangsa i manyomba Debata.

HAKIM-HAKIM 13:23

Dialusi dadaborunia i ma, “Anggo na giot bunuon ni Tuhan do hita tutu, pasti nada ra Ia manjagit haul na tahaulkon i tuSia; Ia pe nada giot patuduhon tu hita sudena on sanga paboahon tu hita angka pangalaho na dung didokNa i tu hita.”

HAKIM-HAKIM 6:21

Dung i disurduhon Surusuruan Ni Tuhan i ma tanganna, digoitkon Ia ma dohot ujung ni hayu na nitiopNia juhut dohot roti i. Gara ma batu i lalu abis ma mosok juhut dohot roti i. Dung i mago ma Surusuruan i.