HAMALIMON 8:7 - BIBEL JAMITA NA DENGGAN

⁷ Dung i dipapakehon ia ma tu si Harun kameja dohot juba dohot bobat. Dung i dipapakehon ia muse efod jana dirahutkon ia bobat ni baju efod na nitonun halus tu gonting ni si Harun.

HAMALIMON 8:7 ပူးပေါင်းရင်းမြစ်များ

HARURUAR 28:2

Baen ma pakean malim di angkangmu si Harun, anso tongam ia idaon jana sangap.

HARURUAR 28:4

Dok ma anso dibaen angka tukang i panutup ni andora, sada baju efod, sada mantel, sada baju na nisulam, sada saroben dohot bobat. Angkon baenon ni halahi do pakean malim on di si Harun angkangmi dohot di angka dakdanaknia, anso taroloi halahi Au songon pangoloi ni malim.

HARURUAR 28:6

Dok ma dibaen angka tukangna i baju efod sian wol na rata langit, na bunga torung dohot na rara, bonang sere dohot linen na halus, na ni pajeges dohot sulam-sulaman.

HARURUAR 29:5

Papakehon ma pakean malim i tu si Harun – kameja, efod dohot tutup ni andora dohot bobat i.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

JEHESKIEL 42:14

Muda dung sidung markarejo angka malim di Bagas Na Badia, jana giot kehe ma tu alaman parruar, angkon tinggalkonon ni halahi ma pakean hapunjungan na nipake ni halahi di na markobasi ibadat i. Angkon pakean na asing noma pakeon ni halahi, baru pe anso tola halahi kehe mandapotkon rayat na marlagut i.”

SURAT NI SI PAULUS TU PARLAGUTAN ROM 13:14

Padiar hamu ma Tuhan Jesus Kristus manontuhon sanga aha sibaenonmunu. Jana ulang be dioloi hamu bakomunu na mardosa i laho papuaskon hagiot ni sibuk.

SURAT NI SI PAULUS TU PARLAGUTAN ROM 3:22

i ma hatigoran ni Debata markite-hite haporsayaan di Jesus Kristus, tu sude halak na porsaya. Harana nada adong imbarna:

GALATIA 3:27

Angke, sude hamu na dung nipandidihon di bagasan Jesus madung diparabit hamu Kristus i.

1 SAMUEL 2:28

Sian sasude marga ni Israel Hupili do horong ni si Harun gabe malim di Au, laho mangkobasi di langgatan, manutung dupa, dohot mamake baju efod muda mangkobari dohot Au. Jana Hulehen do tu halahi hak laho mambuat deba sian haul parhaulan na ditutung di langgatan i.