HAMALIMON 8:32 - BIBEL JAMITA NA DENGGAN

³² Juhut dohot roti na lobi i angkon tutungon lopus abis.

HAMALIMON 8:32 ပူးပေါင်းရင်းမြစ်များ

HARURUAR 12:10

Saotik pe nada tola tinggalkononmunu tu ancogot; muda adong na lobi, angkon nitutung lopus abis.

HARURUAR 29:34

Ancogotna i manyogotna, ampot sai adong dope lobi juhut i sanga roti i, angkon nitutung do i lopus abis, jana nada tola nipangan be i angke madung diparbadiai do i.

PODA 27:1

Ulang hata-hatahon sanga aha na giot sibaenonmu ancogot, sanga aha na giot tarjadi sadari on ise lakna umboto.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

HAMALIMON 7:17

Muda laing adong dope lobina di ari patoluhon, angkon nitutung ma juhut i lopus abis.

HAMALIMON 8:33

Pitu ari honokna nada tola tinggalkononmunu pintu ni Bandar Parmianan Ni Tuhan. Dung salpu pe pangangkatanmunu i, anso tola hamu kehe.

2 KORINTUS 6:2

Didok Debata do di Buku Na Badia i, “Di hatiha na nipatumbuk, madung Hutangihon pio-piomu, jana di ari haluaan madung Huurupi ho.” Tangkas ingot hamu! Saonnari ma hatiha na nipatumbuk i. Saonnari ma arina, ari haluaan.