HAMALIMON 8:22 - BIBEL JAMITA NA DENGGAN

²² Dung i dibuat si Musa ma biri-biri jantan na paduahon na hasaya di na mangangkat malim. Dipayakkon si Harun bope angka anaknia i ma tangan ni halahi tu ulu ni pahan-pahanan i.

HAMALIMON 8:22 ပူးပေါင်းရင်းမြစ်များ

HAMALIMON 7:37

Songon i ma angka aturan taringot tu haul situtungon, haul gandum, haul hasesaan ni dosa, haul partobus ni hasalaan, haul mangojakkon dohot haul haluaan.

HAMALIMON 8:2

“Oban ma si Harun dohot angka anakna i, tu Pintu Ni Bandar ParmiananKi. Oban muse pakean malim, miak upacara, lombu jantan na poso baen haul hasesaan ni dosa, dua biri-biri jantan dohot roti na so marragi sabakul.

HAMALIMON 8:29

Dung i dibuat si Musa ma andora ni biri-biri i jana disombahon ia ma i gabe haul na mardohonan di Tuhan, i ma bagian ni si Musa sian biri-biri jantan na dihaulkon di hatiha mangangkat malim. Dipatulus si Musa do sudena i mangihutkon na nidok ni Tuhan tusia.

JOHANNES 17:19

Hupasahat do diringKu tu Damang laho humopkop halahi, anso halahi pe gabe nampuna ni Damang di bagasan hasintongan.

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

EPESUS 5:25

Hamu angka halaklahi, haholongi hamu ma dadaborumunu be, laing songon pangkaholongi ni Kristus di parlagutan i jana dilehen Ia do gabe haul diriNia hara ni parlagutan i.

EPESUS 5:27

Jadi songon i ma dibaen Ia anso marsangap parlagutan i jongjong jana polin di adopanNia, nada martihas sanga markerut.