HAMALIMON 7:9 - BIBEL JAMITA NA DENGGAN

⁹ Sude haul gandum na nitutung sanga dilompa di hudon sanga na dipanggang, gabe malim na pasahat haul i tu Debata do nampuna i.

HAMALIMON 7:9 ပူးပေါင်းရင်းမြစ်များ

2 RAJA-RAJA 12:17

Di hatiha i diroro si Hasael raja ni Siria ma kota Gat jana giot hobukonna muse ma Jerusalem.

JEHESKIEL 44:29

Angkon mangolu sian gandum na dihaulkon do halahi, sian haul hasesaan ni dosa, dohot sian haul parsiding ni hararugi, jana sasude na dung diaturkon gabe hapunjunganKu, angkon lehenon do i tu halahi.

HAMALIMON 2:10

Na lobi sian haul i, i ma bagian ni angka malim. Na badia do roti i, angke na nibuat sian sipanganon na dung nihaulkon tu Tuhan.

HAMALIMON 5:13

Songon i ma pangalahona baenon ni malim i pasahatkon haul hara ni dosa ni halahi, gabe sesaon ni Tuhan i ma dosana. Lobi ni gandum i, i ma bagian ni malim, sarupa tu haul gandum.

HAMALIMON 7:10

Tapi sude haul gandum na so dilompa, bope na nicampur dohot miak, bope na mahiang, i ma tumpuk ni sude malim pomparan ni si Harun, jana angkon dos do bagian ni halahi.

HAMALIMON 7:8

Bobak ni pahan-pahanan na nipasahat gabe haul situtungon, bagian ni malim na pasahat haul do i.

BILANGAN 18:9

Sian angka silehen-lehen na lobi badia na so pola situtungon di langgatan, bagianmu ma i. Haul gandum, haul hasesaan ni dosa dohot haul gonti ni rugi. Barang aha pe na dihaulkon tu Au gabe haul na badia, i ma bagianmu dohot bagian ni angka anakmu.

1 KORINTUS 9:13

Tontu diboto hamu do, anggo halak na markarejo di Bagas Ni Debata, manjagit panganon do halahi sian Bagas Ni Debata. Dohot angka halak na mangurus inganan parkaulan ni haul, dijagit halahi do deba sian haul na nipasahat i disi.

1 KORINTUS 9:7

Adong ma he tentara na kehe marporang, angkon laing jalahannia muse balanjonia sandiri? Nada adong halak na manyuan anggur di kobunna hape nada dipangan ia sian suha ni kobunna i! Nada adong parmahan biri-biri na so manginum susu ni pahan-pahananna i!

GALATIA 6:6

Sanga ise na manjagit pangajaran sian Hata i angkon bagionna do tu guruna sandok na denggan na adong disia.