HAMALIMON 7:35 - BIBEL JAMITA NA DENGGAN

³⁵ I ma bagian sian haul sipanganon na nilehen ni Tuhan tu si Harun dohot tu angka anakna, di hatiha na diojakkon i halahi gabe malim.

HAMALIMON 7:35 ပူးပေါင်းရင်းမြစ်များ

HARURUAR 28:1

“Piohon ma angkangmu si Harun dohot angka dakdanaknia i si Nadab, si Abihu, si Eleasar dohot si Itamar. Paasing ma halahi sian halak Israel, anso tarbaen halahi mangoloi Au songon malim.

HARURUAR 29:1

“Songon on ma carana baenon pabadiahon si Harun dohot angka dakdanaknia anso tarbaen halahi mangoloi Au songon malim. Buat ma sada lombu jantan na poso dohot dua biri-biri jantan na so martihas.

HARURUAR 29:21

Buat ma saotik mudar na di langgatan i dohot miak na badia saotik, lalu pispiskon ma i tu si Harun dohot tu pakeannia, songon i tu dakdanaknia dohot tu pakean ni halahi. Jadi songon i ma carana si Harun dohot dakdanaknia bope pakean ni halahi dihaulkon tu Au.

HARURUAR 29:7

Jadi buat muse miak na badia, duruskon ma i di ginjang ni ulunia jana miahi ma ia.

JESAYA 10:27

Di hatiha i ma paluaonKu hamu sian Asur, jana nada markuaso be halahi tu hamu.”

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

HAMALIMON 8:30

Dibuat si Musa ma deba sian miak upacara dohot deba sian mudar na adong di ginjang langgatan i, dung i dipispiskon ia ma tu si Harun bope tu angka anakna i bope tu pakean ni halahi tu Tuhan.

JOHANNES 3:34

Sanga ise na nisuru ni Debata, barita sian Debata do dioban Ia, harana madung dilehen Debata TondiNia i, nada hasuhatan bahatna.

2 KORINTUS 1:21

Debata sandiri do na mambaen hami dohot hamu gabe togu marsada dohot Kristus; laing Ia muse do na mamiahi hita.

1 JOHANNES 2:20

Jadi madung dimiahi Na Badia i hamu, gabe sude ma hamu umbotosa.

1 JOHANNES 2:27

Harana di bagasan dirimunu tinggal do pamiahion na dung nijagitmunu sian Ia. Hara ni i nada porlu hamu ajaran ni halak na asing, tapi songon dia pamiahonNia mangajari hamu taringot tu sudena – jana sintong do pangajaranNia i; nada gabus – jana songon dia Ia mangajari hamu na jolo, songon i muse ma nian hamu maringanan di bagasan Ia.

1 SAMUEL 2:28

Sian sasude marga ni Israel Hupili do horong ni si Harun gabe malim di Au, laho mangkobasi di langgatan, manutung dupa, dohot mamake baju efod muda mangkobari dohot Au. Jana Hulehen do tu halahi hak laho mambuat deba sian haul parhaulan na ditutung di langgatan i.