HAMALIMON 7:31 - BIBEL JAMITA NA DENGGAN

³¹ Tutungon ni malim i ma tabo-tabo ni pahan-pahanan i di ginjang ni langgatan, tapi anggo andorana, i ma bagian ni angka malim.

HAMALIMON 7:31 ပူးပေါင်းရင်းမြစ်များ

HARURUAR 29:26

Buat ma andora ni biri-biri jantan i jana haulkon ma i tu Au gabe haul na mardohoan. Bagianmu ma andora ni biri-biri i.

HAMALIMON 3:11

Angkon tutungon ni malim na markarejo disi sudena i di ginjang ni langgatan gabe haul sipanganon di Tuhan.

HAMALIMON 3:16

Tutungon ni malim i ma sudena i di ginjang ni langgatan, gabe haul sipanganon na pajop roha ni Tuhan. Sude tabo-tabona i di Tuhan do i.

HAMALIMON 3:5

Sudena i rap dohot haul situtungon na asing i, tutungon ni malim ma i di ginjang ni langgatan i. Uap ni haul sipanganon i ma pajop roha ni Tuhan.

HAMALIMON 5:13

Songon i ma pangalahona baenon ni malim i pasahatkon haul hara ni dosa ni halahi, gabe sesaon ni Tuhan i ma dosana. Lobi ni gandum i, i ma bagian ni malim, sarupa tu haul gandum.

HAMALIMON 6:16

Topung na lobi i baenon ma roti na so marragi, angkon panganon ni angka malim ma i di inganan na badia, i ma di alaman ni Bandar Parmianan Ni Tuhan. I do bagian ni angka malim na nilehen ni Tuhan di halahi sian haul sipanganon. Sipanganon na badia situtu do i, dos dohot haul hasesaan ni dosa dohot haul tobus ni hasalaan.

HAMALIMON 6:26

Malim na manghaulkon pahan-pahanan i pe angkon panganonna do sian i di sada inganan na badia, i ma di alaman ni Bandar Parmianan Ni Tuhan.

HAMALIMON 7:34

Andora dohot patna pudi sabola siamun, i ma silehen-lehen na mardohonan na nibuat ni Tuhan sian bangso Israel bagian ni angka malim. I ma silehenon ni bangso Israel tu angka malim sapanjangna.

HAMALIMON 8:29

Dung i dibuat si Musa ma andora ni biri-biri i jana disombahon ia ma i gabe haul na mardohonan di Tuhan, i ma bagian ni si Musa sian biri-biri jantan na dihaulkon di hatiha mangangkat malim. Dipatulus si Musa do sudena i mangihutkon na nidok ni Tuhan tusia.

BILANGAN 18:11

Songon tambana, sude silehen-lehen na mardohonan na asing na dihaulkon ni halak Israel di Au, laing bagianmu do i. Au mangalehen di ho, di angka anakmu halaklahi, di angka borumu. Jana ro di salolot-lolotna do paraturan on. Sude halak na di bagas i na dung ias mangihutkon ugamo tola do mangankonsa.

BILANGAN 18:18

Juhutna i gabe bagianmu, dos dohot andora dohot pat siamun parpudi sian na dihaulkon i bagianmu muse do.

1 KORINTUS 9:13

Tontu diboto hamu do, anggo halak na markarejo di Bagas Ni Debata, manjagit panganon do halahi sian Bagas Ni Debata. Dohot angka halak na mangurus inganan parkaulan ni haul, dijagit halahi do deba sian haul na nipasahat i disi.

PANGARATAION 18:3

Muda adong sada halak manghaulkon lombu sanga biri-biri, jadi hae jolo, isang-isang dohot butuha ni pahan-pahanan i dipasahat ma i tu angka malim baen di halahi.