HAMALIMON 7:26 - BIBEL JAMITA NA DENGGAN

²⁶ Barang di dia pe halak Israel maringanan, nada tola panganon ni halahi mudar ni unggas sanga mudar ni binatang na asing pe.

HAMALIMON 7:26 ပူးပေါင်းရင်းမြစ်များ

PAMUNGKAAN 9:4

Hum on ma na so tola panganonmunu, i ma juhut na laing marmudar; harana di mudar i do hosa.

HARURUAR 22:30

Lehen ma di Au na parjolo sorang sian pahan-pahananmunu dohot sian biri-birimunu. Padiar hamu ma laing rap dohot inangna pahan-pahanan jantan na parjolo sorang rap dohot indukna i, pitu ari lolotna, jadi pasahat hamu ma i tu Au gabe haul di ari pasalapankon.

JEHESKIEL 33:25

Jadi hara ni i disuru Tuhan Debata i ma au palaluhon tonaNia on tu halahi, “Dipangan hamu do juhut na marmudar dope; disomba hamu gana-ganaan jana mamunu jolma hamu. Na puluk ma da hamu mandok hamu nampuna tano on.

HAMALIMON 19:26

Ulang pangan juhut anggo laing marmudar dope. Ulang mamake elmu na songon dia pe.

HAMALIMON 3:17

Sahalak pe sian halak Israel nada tola mangankon tabo-tabo dohot mudar. Hot do aturan on ro di salolotna angkon sioloan ni ganop halak Israel sanga di dia pe halahi maringanan.

HAMALIMON 7:25

Halak na mangankon tabo-tabo ni binatang haru pe tabaen do i nian gabe haul tu Debata, nada etongon be i halak ni Debata.

HAMALIMON 7:27

Sanga ise na mangalaosi aturan on, nada etongon be i halak ni Debata.

JOHANNES 6:53

Dung i didok Jesus ma tu halahi, “Tutu do na Hudok on di hamu: Anggo so dipangan hamu do pamatang ni Anak Ni Jolma i jana nada diinum hamu mudarNia, nada adong hangoluan na tutu di bagasan hamu.

BAENON NI ANGKA RASUL 15:20

Tapi angkon laing tatongos ma surat tu halahi paingotkon halahi anso ulang dipangan halahi angka sipanganon na hodar na nihaulkon tu gana-ganaan, sanga markarosuan, sanga pe na mangankon pahan-pahanan na nisongkik sanga mangan mudar. Boti anso laing dipadao halahi dirina sian angka pangalaho na jorngang.

BAENON NI ANGKA RASUL 15:29

Ulang ma pangan hamu sipanganon na nihaulkon tu gana-ganaan, ulang pangan hamu mudar, ulang pangan hamu binatang na nisongkik, jana ulang ma adong sian hamu angka pangalaho na markarosuan. Muda dipadao hamu dirimunu sian angka pangalaho na songon i, na denggan noma baenonmunu. Horas ma di hamu, botima!”

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

PANGARATAION 12:16

Tapi anggo mudar ni binatang i ulang cubo-cubo hamu mangankonsa; tapi angkon diduruskon do i tu tano songon aek.

PANGARATAION 12:23

Hum juhut na laing marmudar do na so tola panganonmunu, angke di mudar i do hosa, jadi nada tola hamu mangankon ngolu i rap dohot juhutna.

PANGARATAION 15:23

Tapi anggo mudarna i ulang pangan hamu, tapi angkon duruskononmunu do i tu tano songon aek.”

1 TIMOTEUS 4:4

Denggan do sasudena sanga aha na nijadihon ni Debata, sada pe sian i nada tama etongon na so hasaya muda dung nijagit i mardongan hatarimakasion tu Debata.