HAMALIMON 7:18 - BIBEL JAMITA NA DENGGAN

¹⁸ Tapi anggo laing dipangan muse dope lobina i, nada dijagit Debata haulna i. Nada gabe pasupasu haul i di halakna i, tapi na haram do i etongon. Sanga ise mangankon haul na haram, angkon manaon hara ni hasalaanna sandiri.

HAMALIMON 7:18 ပူးပေါင်းရင်းမြစ်များ

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

JESAYA 65:4

Borngin-borngin kehe halahi tu angka liang dohot kuburan laho mangido sipaingot ni angka sumangot. Mangan juhut babi halahi jana diinumi halahi kua ni juhut sian sipanganon na dipelehon tu angka debata.

JESAYA 66:3

Hape anggo bangso i, roha-rohana do dipambaeni. Anggo di halahi, manghaulkon lombu sarupa do dohot na manghaulkon jolma. Manghaulkon anak ni biri-biri dos dohot na manipulkon rungkung ni anjing. Manghaulkon haul gandum sarupa do i dohot na manghaulkon mudar ni babi. Manutung hamonyan dos do i dohot na marsomba patung. Hara ni i: Sarupo songon halahi na mandalankon dalanna sandiri, jana rohana pe manghagioti gana-ganaan.

JEREMIA 14:10

Salaho tu bangso i didok Tuhan, “Nada jop rohangKu paida-ida angka jolma i na sai manadingkon Au, jana na so ra mangarajai dirina. Nada ra be Au manghalupahon hasalaan ni halahi, uhumanKu do halahi hara ni dosa ni halahi.”

JEREMIA 14:12

Haru pe puaso halahi, nangkon na ra Au manerge pio-pio ni halahi mangido tolong; jana haru pe dihaulkon halahi tu Au haul situtungon dohot haul gandum, nangkon na sonang rohangKu mida halahi. Tapi marhite porang, haleon dohot hamamasa ni nyae giot pangabisonKu halahi.”

JEHESKIEL 18:20

Sanga ise na mambaen dosa, ia ma na giot mate. Nada angkon sai tanggungon ni anak panginona ni dosa ni amangna; sabalikna muse, ama pe nada angkon sai tanggungonna panginona ni angka dosa ni anakna. Sanga ise na burju jagitonna balos na denggan hara ni pambaenanna na denggan. Jana halak na jahat, jagitonna ma parkancitan patunda ni hajahatanna i.

HOSEA 8:13

Dihaulkon halahi do haul tu Au, jana dipangan halahi haul i, hape Au Tuhan nada manghajopkon angka haul i. Saonnari ingotonKu ma dosa ni halahi i jana uhumanKu noma halahi hara ni angka dosa i; tongosonKu ma halahi mangulahi tu Mesir!

HAMALIMON 10:17

“Biasi nada dipangan hamu haul hasesaan ni dosa i di sada inganan na badia? Na badia do haul i, madung dilehen Tuhan do i di hamu, anso disesa sude dosa ni halak Israel.

HAMALIMON 10:19

Dung i dialusi si Harun ma, “Nada he na dung dipasahat halak Israel do sadari on haul hasesaan ni dosa, haul situtungon tu Tuhan? Tapi haru songon i pe, sitaonon on laing au do manaon i. Sugari sura ma na dung hupangan sadari on haul hasesaan ni dosa i, hapengani nada pola mambaen sumonang Tuhan i.”

HAMALIMON 11:41

Pahan-pahanan na menek na mangolu di tano,

HAMALIMON 17:16

Muda so dibaen ia songon i, angkon taononnia sandiri panginonaanna.”

HAMALIMON 19:5

Muda manyambol pahan-pahanan hamu sipasahatonmunu gabe haul haluaan, angkon ihutkononmunu do angka paraturan na dung Hulehen i, gabe jagitonKu ma haulmunu i.

HAMALIMON 20:17

Sada halaklahi mambuat ibotona sanga iboto donganna saama sanga saina, angkon pailaon do halahi ditonga-tonga ni na bahat, dung i dipakehe sian halak na bahat. Hara ni na dung markarosuan ia dohot ibotona, hara ni i angkon manaon ia patundana.

HAMALIMON 20:19

Muda adong sada halaklahi markarosuan dohot bujingna angkon rap manaon halahi na dua hara ni na mangalaosi aturan ni adat.

HAMALIMON 22:16

marhite na padiarkon sada-sada halak na so patut mangankon sian haul i. Halak na sala do songon i jana angkon uhumon. Au do Tuhan jana Au do pabadiahon angka haul i.”

HAMALIMON 22:23

Songon haul sian jop ni roha tola do haulkononmunu pahan-pahanan na so satimpal pamatangna tu umurna sanga na so jeges potongonna, tapi anggo manggarar niet, nada sah pahan-pahanan na songon i.

HAMALIMON 22:25

Pahan-pahanan na nijagit sian halak na leban nada tola lehenon gabe haul sipanganon. Pahan-pahanan na songon i na martihas do i etongon gabe nada dijagit Tuhan i.

HAMALIMON 5:17

Muda adong sada halak na mardosa so hara ni na niuntilnia, gabe dilaosi ia sada sian parenta ni Tuhan, madung marsala ia.

HAMALIMON 7:19

Muda dais juhut i tu sada na hodar, nada tola panganon be i, angkon tutungon noma. Halak na ias do na tola mangankon juhut i. Hum halak na ias mangihutkon ugamo do na tola mangankon juhut haul haluaan.

AMOS 5:22

Muda dioban hamu haul situtungon dohot haul gandum nada ra Au manjagitsa. Nada ra Au manjagit angka pahan-pahananmunu na mokmok i na nihaulkonmunu gabe haul pardamean. Nada ra Au mangaligisa.

MALEAKI 1:10

Didok Tuhan Na Markuaso i ma, “Sugari adong ma nian sian tonga-tongamunu, na giot manutup pintu, anso unang dipagara hamu api di langgatanKu di bagasan na so marguna. Nada jop rohangKu tu hamu, ninna Tuhan Na Markuaso jana nada jagitonKu haul sian tanganmu.

MALEAKI 1:13

Jana didok hamu do, “Ligi ma, maol na i!” Jana susa do Au dibaen hamu, ninna Tuhan Na Markuaso i, jana dihaulkon hamu do na ditangko, na onyangon, sanga na marnyae baen sihaulkonon tu Au. Sai jop ma he rohangKu manjagit i sian tanganmu? ninna Tuhan.

BILANGAN 18:27

Silehen-lehen na mardohonan on etongon do i sarupa dohot silehen-lehen gandum na baru, aek ni anggur na baru sian sahalak partani.

LUKAS 16:15

Tapi didok Jesus ma tu halahi, “Hamu ma angka na mandok di jolo ni halak, sai na tigor hamu. Tapi diboto Debata do isi ni rohamunu. Angke sanga aha na nietong ni roha ni jolma na gincat, i ma na toruk di panatapan ni Debata.

SURAT NI SI PAULUS TU PARLAGUTAN ROM 4:11

Dijagit ia do tanda sunat i songon cap ni hatigoran markite-hite haporsayaan na nipatuduhonnia taran so disunat dope ia. Markite na songon i ma ia gabe ompu ni sude na porsaya na so marsunat, anso diparetongkon ma hatigoran i tu halahi.

IBRANI 9:28

Laing songon i do Kristus i, hum sanoli sajo do Ia nihaulkon songon haul laho manyesa dosa ni bahat halak. Ro dope Ia nian paduanolihon tapi nada mamorsan dosa be; na giot paluahon angka jolma na paintehon haroroNia noma.

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.