HAMALIMON 7:16 - BIBEL JAMITA NA DENGGAN

¹⁶ Muda adong sahalak na maroban haul haluaan laho patulus baga-bagana, sanga haul na nionjar ni rohana nada pola angkon sude panganon sadari i. Angka na lobi tola do panganon ancogotna i.

HAMALIMON 7:16 ပူးပေါင်းရင်းမြစ်များ

MASMUR 116:14

Gohanku ma janjingku tu Tuhan, di jolo ni bangsoNia sudena.

MASMUR 116:18

Patulusonku ma janjingku tu Tuhan, di jolo ni bangsoNia sudena,

MASMUR 66:13

Ro do au maroban haul situtungon tu BagasMu, jana hugohi tu Ho janjingku,

HARURUAR 35:29

Marsioban sian na nionjar ni rohana be ma sude halak Israel baen haul ni halahi tu Tuhan, sipakeon tu parkarejoan na niparentahon ni Tuhan markite-hite si Musa.

PODA 7:14

“Madung pasahat haul au sadari on, laing di bagas dope juhut ni haul i.

JEHESKIEL 46:12

Muda por roha ni parkuaso i laho mangalehen haul sian rohana sandiri tu Tuhan, sanga na haul situtungon pe i sanga pe haul pardamean, angkon bukaon do horbangan Habincaran na torus tu alaman na di bagasan i tusia. Angkon haulkononnia do i laing sarupa songon pambaenna di Ari Sabat, tapi disi mulak ia, angkon manigor tutupon do horbangan i mangulahi.”

HAMALIMON 22:23

Songon haul sian jop ni roha tola do haulkononmunu pahan-pahanan na so satimpal pamatangna tu umurna sanga na so jeges potongonna, tapi anggo manggarar niet, nada sah pahan-pahanan na songon i.

HAMALIMON 22:29

Muda dilehen hamu haul puji-pujian tu Tuhan, angkon mangihutkon paraturan do dijagit haulmunu i.

HAMALIMON 23:38

Angka parayaan i songon tamba-tamba ni Ari Sabat na somal do angka ari pesta i. Jadi angka haul i pe tamba-tamba do i tu silehen-lehen na somal, tambana tu haulmu di na manggarar niet bope tamba-tamba tu haul jop ni roha na nilehenmu tu Tuhan.

NAHUM 1:15

Ligi da, ro do sada suruan mamolus sian angka dolok, maroban jamita na denggan, barita hamonangan. Ale bangso Juda, pestahon ma ari pestamu jana haulkon ma haulmu tu Debata. Nada rajaan ni parjahat be tanomu. Ma pola sude halahi diabiskon.

BILANGAN 15:3

Tu haul situtungon sanga haul manggarar niet, sanga haul sian jop ni roha sanga pe angka haul di ari pesta ni ugamo na somal, tola do dihaulkon halahi tu Tuhan angka on: sada lombu jantan, sada biri-biri jantan, sada biri-biri sanga sada hambeng. Uap ni haul sipanganon i pajopkon roha ni Tuhan.

PANGARATAION 12:11

Angkon tusi ma hamu kehe maroban sude na dung huparentahon: Haul situtungon dohot haul na asing, haul parsampuluan dohot haul na marhapunjungan na dung nijanjihonmunu tu Tuhan.

PANGARATAION 12:17

Nada tola sanga na aha pe panganonmunu di bagas ingananmunu sian sude na nihaulkonmunu tu Tuhan: Haul parsampuluan sian gandummunu, anggurmunu, miak zetunmunu, lombu sanga biri-birimunu na parjolo sorang, haul panggarar ni haulmunu, haul sian na nionjar ni rohamunu, sanga hasil na asing pe.

PANGARATAION 12:26

Sude haul na dung dijanjihon hamu tu Tuhan, angkon obanonmunu do tu inganan paribadatan na sada i.

PANGARATAION 12:6

Angkon tu inganan i ma obanonmunu angka haul situtungon dohot angka haul na asing, haul parsampuluan maradu angka haul na asing, haul panggarar ni haulmu haul sian na nionjar ni rohamunu dohot lombu sanga biri-biri na parjolo sorang.