HAMALIMON 7:13 - BIBEL JAMITA NA DENGGAN

¹³ Songon tambana angkon pasahaton muse roti na marragi.

HAMALIMON 7:13 ပူးပေါင်းရင်းမြစ်များ

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

HAMALIMON 2:12

Deba sian gandum na nisabi parjolo ganop taon, angkon obanonmunu sisombahonon tu Tuhan. Nada situtungon gandum i di ginjang ni langgatan.

HAMALIMON 23:17

Ganop ripe angkon maroban duakamata roti silehenon gabe silehen-lehen na mardohonan tu Tuhan. Ganop roti i nipauli sian dua kilo gram topung na marragi jana nilehen ma i tu Tuhan gabe haul gandum na parjolo na giot sabion.

HAMALIMON 23:18

Rap dohot roti i, angkon lehenon ni halak na bahat i ma pitu biri-biri marumur sataon, sada lombu jantan dohot dua hambeng. Sudena i nada tola na martihas. Sude pahan-pahanan i lehenon ma i gabe haul situtungon tu Tuhan, rap dohot haul gandum dohot haul aek ni anggur. Uap ni haul i ma na pajop roha ni Tuhan.

AMOS 4:5

Datdati hamu ma na manghaulkon roti mandok tarimakasi tu Au, jana toruskon hamu ma mamburas paboa na dung dioban hamu tamba-tamba ni haulmunu! Nada he songon i do diparhagiot rohamunu ale halak Israel?” Songon i ma didok Tuhan Debata.

MATEUS 13:33

Adong dope umpama na asing dicaritohon Jesus tu halak na bahat i. “Anggo Harajaan Ni Banua Ginjang tarsongon ragi do i. Dibuat anak boru i ma ragi i, dicampurkon ia ma tu topung tolu tabung, lopus kombang sude!”

1 TIMOTEUS 4:4

Denggan do sasudena sanga aha na nijadihon ni Debata, sada pe sian i nada tama etongon na so hasaya muda dung nijagit i mardongan hatarimakasion tu Debata.