HAMALIMON 6:7 - BIBEL JAMITA NA DENGGAN

⁷ Angkon pasahaton ni malim ma i gabe haul hara ni dosa ni halakna i, dung i sesaon ni Tuhan i ma dosana.

HAMALIMON 6:7 ပူးပေါင်းရင်းမြစ်များ

HARURUAR 34:7

Hupatulus do baga-bagangKu tu marribu-ribu sundut jana Huampuni do hajahatan dohot dosa i tapi nada lalap boti Au manguhumi parjahat bope dakdanak dohot pahompumunu lopus tu sundut patoluhon dohot paopatkon hara ni dosa ni simatobang ni halahi.”

JESAYA 1:18

Ninna Tuhan do: “Ro ma hamu anso tapadenggan. Haru pe rara dosamu songon kirmisi, ias do baenonKu songon itak, haru pe rara songon hasumba, bontar do baenonKu songon hapas.

JEHESKIEL 33:19

Muda mantak halak parjahat i mambaen dosa jana dipungka mambaen na denggan dohot na tutu, mangolu noma ia.

HAMALIMON 2:1

Muda adong sada halak na giot manghaulkon gandum tu Tuhan i, angkon jolo nigiling do gandum i lamot gabe topung. Dung i diusehon ma tu topung i miak zetun jana di ginjangna nipayakkon hamonyan,

HAMALIMON 4:20

Pambaenna dos dohot na pasahat lombu jantan gabe haul hasesaan ni dosa. Songon i ma baenon ni Malim Godang i pasahat haul hara ni dosa ni bangso i, dung i sesaon ni Tuhan ma dosa ni halahi.

HAMALIMON 4:26

Dung i tutungon ni malim i ma sude tabo-tabo ni pahan-pahanan i di ginjang ni langgatan i. Pambaenna dos dohot pambaen ni haul haluaan. Songon i ma pangalahona laho pasahat haul hara ni dosa ni sahalak parpangkat, dung i sesaon ni Tuhan ma dosana i.

HAMALIMON 4:31

Tabo-tabo ni pahan-pahanan i angkon niharuarkon sude, songon na binaen tu haul haluaan i. Angkon tutungon ni malim i do tabo-tabo na di ginjang ni langgatan, anso jop roha ni Tuhan manganggo uapna i. Songon i ma pangalahona baenon ni malim i pasahat haul hara ni dosa ni sada rayat na somal, gabe sesaon ni Tuhan i ma dosana i.

HAMALIMON 5:10

Dung i sombahonon ni malim i ma unggas na paduahon na gabe haul situtungon songon na dung diaturkon. Songon i ma pangalahona baenon ni malim pasahatkon haul hara ni dosa ni halahi, dung i sesaon ni Tuhan i ma dosana.

HAMALIMON 5:13

Songon i ma pangalahona baenon ni malim i pasahatkon haul hara ni dosa ni halahi, gabe sesaon ni Tuhan i ma dosana. Lobi ni gandum i, i ma bagian ni malim, sarupa tu haul gandum.

HAMALIMON 5:18

Angkon obanonnia ma tu malim sada biri-biri sanga sada hambeng jantan na so martihas. Niasam ma argana mangihutkon arga na dung ditontuhon. Sombahonon ni malim ma haul i hara ni dosa ni halahi, gabe sesaon ni Tuhan ma dosana.

HAMALIMON 6:8

Disuru Tuhan ma si Musa,

HAMALIMON 7:2

Pahan-pahanan na gabe haul i, sambolon ma i di topi sabola sian Utara ni langgatan i, i ma inganan panyambolan ni pahan-pahanan na gabe haul situtungon, dung i mudarna i usehononkon ma i tu opat topi ni langgatan i.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

MATEUS 12:31

Hara ni i, Hudok ma tu hamu, sude dosa dohot hata na jat na nipardok ni halak, tarsesa do i! Tapi anggo hata na mangincahi Tondi Parbadia nada tarsesa i!

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.

1 JOHANNES 1:9

Muda taoku dosanta, gabe na bonar jana na tigor do Ia, jadi sesaonNia ma dosanta jana dipaias Ia hita sian sasude hageduhan.