HAMALIMON 6:6 - BIBEL JAMITA NA DENGGAN

⁶ Songon haul partobus ni hasalaan tu Tuhan, angkon obanon ni halahi ma tu malim sada biri-biri sanga sada hambeng jantan na so martihas. Asamon ma argana mangihutkon arga na dung ditontuhon.

HAMALIMON 6:6 ပူးပေါင်းရင်းမြစ်များ

ESRA 10:19

Marjanji do halahi giot manyirangkon ripe ni halahi, lalu dihaulkon halahi ma biri-biri jantan gabe haul hasesaan ni dosa ni halahi.

NEHEMIA 10:35

Ganop taon obanonnami ma tu Bagas Ni Tuhan patumonaan ni suha ni gandum dohot parbatu na parjolo malamun sian suan-suanannami.

JEHESKIEL 40:46

jana balerong na mangadop tu Utara i diparade di angka malim na markarejo di langgatan do i. Angkon sian Marga Levi pomparan ni si Zadok do na tola mangadop tu Tuhan laho mangoloi Ia di bagasan paribadatan.

HAMALIMON 14:12

Sada sian anak ni biri-biri jantan i dohot sapartolu liter miak zetun i buaton ni malim ma i pasahaton gabe haul gonti ni hararugi. Haul i ma songon silehen-lehen na mardohonan tu Tuhan, gabe malim i ma nampuna i.

HAMALIMON 5:15

Muda adong sada halak na mardosa so hara ni na niuntilna, hara ni na lalap ia pasahat silehen-lehen na patut tu Tuhan, angkon obanon ni halahi ma haul tobus ni hasalaan. Ia haul i, i ma sada biri-biri sanga hambeng jantan na so martihas. Diasam ma argana mangihutkon arga markite ukuran na marlaku di inganan na badia i.

HAMALIMON 5:18

Angkon obanonnia ma tu malim sada biri-biri sanga sada hambeng jantan na so martihas. Niasam ma argana mangihutkon arga na dung ditontuhon. Sombahonon ni malim ma haul i hara ni dosa ni halahi, gabe sesaon ni Tuhan ma dosana.

HAMALIMON 5:7

Tapi muda suada tarlehen ia biri-biri sanga hambeng baen tobus ni dosana, angkon obanonnia do sarongkap unggas hatutu sanga darapati, sada ma i gabe haul hasesaan ni dosa, na sada nari gabe haul situtungon.