HAMALIMON 6:4 - BIBEL JAMITA NA DENGGAN

^4-5 Angkon gararonnia do mulak sanga aha na dapotnia sian dalan na so tigor. Muda tardapot sahalak marsala hatiha dibaen ia hasalaan i, angkon gok do gararonnia tu nampuna i ditamba muse dope duapulu porsen.

HAMALIMON 6:4 ပူးပေါင်းရင်းမြစ်များ

PAMUNGKAAN 21:25

Tapi dung salpu i humolos ma si Abraham tu si Abimelek hara ni sada sumur na nirampas ni angka hatoban ni raja i.

NEHEMIA 5:11

Sesahon hamu ma antong angka utang ni rayat i tu hamu, bope na marrupa hepeng sanga na gandum, bope anggur sanga miak zetun. Manigor paulak hamu ma ladang, kobun anggur, kobun zetun dohot bagas ni halahi!”

JOB 20:19

Harana na mamisat do ia antong jana mambaen mompas halak na so mardiha-diha; dirampas ia do angka bagas na so nipajongjongna.

JOB 24:2

Sai adong do halak na paimbar tanda ni batas, anso tanonia martamba saruas. Ditangko halahi do biri-biri marhulanan, lalu dipabarasa di bara ni biri-birina.

JEHESKIEL 18:12

Giotnia ma mangicu halak na pogos, manangko, mambuat barang jaminan ni halak na marutang tusia. Kehe ia tu angka bagas pamelean ni halak na so mananda Tuhan jana disomba ia gana-ganaan sihagigian.

JEHESKIEL 18:18

Sabalikna amangna i na sai tagi mangicu, manangko dohot mambaen hajahatan na asing, mate ma i hara ni angka dosa na nibaenna sandiri.

JEHESKIEL 18:7

Nada jungada ia mangicu sanga manangko. Angka barang jaminan ni utang ni halak tusia sai dipaulak ia do. Halak na malean dilehen ia do mangan jana halak na so marpakean, dilehen ia do parabiton.

JEHESKIEL 33:15

umpamana dipaulak ia barang na digadehon ni halak, sanga barang na nitangkonia boti dioloi ia angka uhum na maroban tu hangoluan, gabe nada mate be ia, tapi mangolu noma.

JEHESKIEL 44:19

Muda kehe halahi tu alaman parruar, inganan parluhutan ni bangso i, angkon tadingkonon ni angka malim i do pakean dinas ni halahi di bagasan bilik-bilik na badia na di BagasKi, lalu marpakean na asing, anso ulang mangalap hamamago pakean i tu bangso i.

HAMALIMON 24:18

Sanga ise mamunu pahan-pahanan ni halak na asing, angkon gontionnia. Ukuranna, i ma ‘hosa gonti ni hosa’.

HAMALIMON 24:21

Sanga ise mamunu pahan-pahanan angkon digonti ia, tapi muda na mamunu jolma, angkon mate uhumon.

HAMALIMON 4:12

sudena i angkon nioban tu balian ni parbandaran i dung i nitutung ma i di ginjang soban di inganan pangambungan ni abuan, i ma inganan na dung ias mangihutkon ugamo.

AMOS 3:10

“Saotik nada adong diboto halahi mambaen na tigor, ninna Tuhan, dibaen halahi do bagas paribadatanna dohot angka hakejamon dohot parkancitan.”

MIKA 2:2

Muda por roha ni halahi di sada ladang, dirampas halahi do i. Muda por roha ni halahi di sada bagas, dirampas halahi sajo do i. Muda dung abis hartona dirampas, angka koum sisolkot pe nada be sonang.

ZEPANYA 1:9

UhumanKu ma sandok halak na marsomba songon na so mananda Au, dohot na manangko jana mamunu jolma laho manggohi bagas ni tokena dohot angka barang na dirampas.”

MALEAKI 1:13

Jana didok hamu do, “Ligi ma, maol na i!” Jana susa do Au dibaen hamu, ninna Tuhan Na Markuaso i, jana dihaulkon hamu do na ditangko, na onyangon, sanga na marnyae baen sihaulkonon tu Au. Sai jop ma he rohangKu manjagit i sian tanganmu? ninna Tuhan.

BILANGAN 5:7

angkon okuon ni halakna i dosana jana gararonnia sude, ditamba dope dua pulu porsen tu halak na nirugiannia i.