HAMALIMON 6:27 - BIBEL JAMITA NA DENGGAN

²⁷ Sanga ise jana barang aha pe na dais tu juhut ni pahan-pahanan i, angkon hona mara hara ni gogo ni habadiaanna. Muda mamistik saotik sian mudar ni pahan-pahanan i tu sada baju, angkon basuon baju i di sada inganan na badia.

HAMALIMON 6:27 ပူးပေါင်းရင်းမြစ်များ

HARURUAR 29:37

Baen ma songon i ganop ari salolot pitu ari. Jadi gabe badia ma sude langgatan i jana sanga ise bope sanga aha sajo pe na manondongsa marmara ma i baenon ni hagogoan ni habadiaanna.”

HARURUAR 30:29

Baen ma sudena i gabe hapunjunganKu markite-hite cara na songon on gabe badia sasudena i. Marmara ma sanga ise jana sanga aha sajo na mangantulsa hara ni hagogoan ni haiasonna.

JEHESKIEL 44:19

Muda kehe halahi tu alaman parruar, inganan parluhutan ni bangso i, angkon tadingkonon ni angka malim i do pakean dinas ni halahi di bagasan bilik-bilik na badia na di BagasKi, lalu marpakean na asing, anso ulang mangalap hamamago pakean i tu bangso i.

HAMALIMON 11:32

Muda madabu bangke ni binatang sisongon i tu sada barang, etongon ma haram barang i. Sanga tu aha pe dipargunahon barang i, nada gabe soal i, tapi tongtong do hodar barang i painte so disornomkon tu aek. Songon i pe i, laing haram do barang i painte andospotang. Mangonai do on tu sude barang na nibaen sian hayu, abit, bobak sanga harung abit.

HAMALIMON 6:18

Di sude hatiha di pudian ni ari, sude pomparan ni si Harun halaklahi, tola do mangankon roti i, i ma da bagian ni halahi na dung ditontuhon sian sipanganon na nipasahat tu Tuhan. Halak na asing na dais tu sipanganon na dung dihaulkon gabe badia hara hagogoan ni habadiaan ni haul i.

HAMALIMON 7:19

Muda dais juhut i tu sada na hodar, nada tola panganon be i, angkon tutungon noma. Halak na ias do na tola mangankon juhut i. Hum halak na ias mangihutkon ugamo do na tola mangankon juhut haul haluaan.

HAGAI 2:12

Sugari rupani adong sada halak na mambuat juhut sian haul na dihaulkon tu Tuhan, lalu dioban ia mulak di pangalompit-lompitan ni baju jubania i, dung i dais muse ma baju jubania i tu roti sanga tu sipamasahon bagi aha pe, sanga tu anggur, sanga miak zetun, sanga tu sipanganon bagi aha pe, gabe badia muse dehe i sudena?” Di na nipalalu ni si Hagai sapa-sapa i, dialusi angka malim i ma, “Nada.”

MATEUS 14:36

Angka dipangido halahi ma, sugari tola halahi hum manjama ujung ni baju jubaNia i sajo pe. Gabe malum do sude na manjama baju jubaNia.

MATEUS 9:21

Harana didok rohania, “Hum tarjama au pe baju jubaNia, malum ma huhilala.”

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

2 KORINTUS 7:11

Ligi hamu ma jolo antong sanga aha do na ro sian hamamarsak na sian Debata i! Gabe diparayak hamu ma laho padenggankon na gaor. I ma suhana! Gabe magigi hamu mida dosa, gabe mabiar hamu, malungun hamu, gabe marsitutu, gabe ra hamu manguhum na sala! Di bagasan sudena parsoalan on madung dipatuduhon hamu na so marsala hamu.