HAMALIMON 6:20 - BIBEL JAMITA NA DENGGAN

²⁰ taringot tu na mangojakkon sada malim sian pomparan ni si Harun. Di ari pangojakkon ni malim i, angkon obanonnia ma topung gandum sakilo di Tuhan. (Dos bahatna songon haul gandum ari-ari.) Satonga ma i sihaulkononkon manyogot i, lobina i di andospotangna.

HAMALIMON 6:20 ပူးပေါင်းရင်းမြစ်များ

1 JUJUR TAON 23:29

Tanggung jawab ni halahi ma roti sihaulkonon tu Debata, topung na nipake gabe sihaulkonon tu Tuhan, kue na nipis na so marragi, haul na nipanggang, dohot topung na nicampur dohot miak zetun. Angkon laing timbangon dohot suhaton ni halahi do jolo angka haul siobanon tu Bagas Ni Debata.

HARURUAR 16:36

Suhat-suhat ni barang na pir na somal dipake halak hatiha i dos dohot dua pulu liter.)

HARURUAR 29:2

Baen ma roti sian topung tarigu na dumenggan, ulang pake ragi. Baen ma deba roti na somal, deba roti na tingko marmiak zetun jana deba nari baen ma roti na nipis na nidaiskon miak saotik.

HAMALIMON 23:13

Rap dohot i angkon lehenonmunu dope haul sipanganon dua kilo gram topung dicampur dohot miak zetun. Uap ni haul i ma na pajop roha ni Tuhan. Lehen hamu muse ma rap dohot i anggur saliter bahatna.

HAMALIMON 5:1

Sada-sada halak madung tontu marsala jana angkon tanggungonnia sandiri hara ni karejonia, muda dipangido hatorangan na tangkas di jolo ni pangadilan, hape nada ra ia patorangkon taringot tu angka na niida dohot na nibegenia.

HAMALIMON 5:11

Tapi muda suada tarlehen halak na marsala i sarongkap unggas hatutu sanga darapati gabe hasesaan ni dosana, angkon obanonnia ma topung dua liter. Nada tola nibaen tu topung i miak zetun sanga hamonyan, dibaen haul hasesaan ni dosa do i, nada haul gandum.

HAMALIMON 6:11

Dung i angkon gontion ni malim i ma pakeanna lalu maroban abu i tu balian ni bandar, di inganan na ias mangihutkon ugamo.

HAMALIMON 6:19

Dilehen Tuhan i dope angka aturan on tu si Musa,

BILANGAN 28:10

Haul situtungon i angkon dihaulkon ganop Ari Sabat songon tamba ni haul siganop ari rap dohot haul aek ni anggur.”

BILANGAN 28:3

“Angka on ma haul sipanganon na angkon sihaulkononmunu tu Tuhan. Na gabe haul ganop ari, dua anak ni biri-biri jantan na marumur sataon na so martihas.

BILANGAN 4:16

Si Eleasar anak ni si Harun do hasahatan ni sude Bandar Parmianan dohot miak tu angka lampu, hamonyan, haul gandum, miak upacara bope sude na adong di Bandar Parmianan na dung mardohonan di Tuhan i.

IBRANI 5:1

Sudena Malim Godang, na nipili do i sian tonga-tonga ni dongan jolma, jana dipajongjong markarejo songon wakil ni jolma di adopan ni Debata anso dihaulkon ia angka silehen-lehen dohot angka haul hara ni dosa.

IBRANI 7:27

Nada songon angka Malim Godang na asing i Ia, angkon jolo manghaulkon haul hara ni angka dosana sandiri, dung i hara ni angka dosa ni bangso i. Holan sanoli sajo do Jesus manghaulkon haul, i ma di na nihaulkonNia diriNia sandiri gabe haul.