HAMALIMON 6:2 - BIBEL JAMITA NA DENGGAN

^2-3 Mardosa do sada halak maradopkon Tuhan muda so dipaulak ia barang na nipasimpankon ni donganna halak Israel tusia, sanga muda ditangko ia barang ni halak sanga dikicu ia sanga pe na so ra mangoku na dapotnia barang na mago jana na puluk marsumpa hara ni i. Muda songon i pangalahona, angkon sombahononnia ma haul partobus.

HAMALIMON 6:2 ပူးပေါင်းရင်းမြစ်များ

PAMUNGKAAN 26:7

Jadi di na nisapaan ni angka halak na disi salaho tu si Ribka, didok si Ishak ma ibotonia do i jana nada dongan saripenia. Biar roha ni si Ishak betak sai bunuon ni halak na disi ia laho mambuat si Ribka na santak jogi i.

MASMUR 51:4

Maradopkon Ho, maradopkon Ho sajo do au mardosa, jana hukarejohon do angka na jahat dietong Ho. Anso tutu Ho tigor di bagasan angka hataMu, jana monang muda manguhumi Ho.

PODA 24:28

Ulang ho na gabe saksi maradopkon halak na asing anggo so adong alasan na patut; jana ulang ho margabus salaho tusia.

JESAYA 21:2

Madung dipatuduhon tu au taringot tu na jorbut na giot masa, halumbaan taringot tu hajahatan dohot hasesegona. Maju ma hamu parangan ni Elam, roro ma! O hamu parangan ni Madai, hobuk hamu ma angka kota i! Na giot paujungonKu noma sude pardangolan na nibaenan ni Babel.

JESAYA 24:16

Sian angka ujung ni tano on tarbege ma ende puji-pujian di Israel, bangso na tigor i. Hape nada adong arop ni rohangku! Marhancit do au! Laing mangarampok do parjahat, mur martamba jahat dope tehe halahi.

JESAYA 33:1

Marjaya ma angka musunta! Manyamun do halahi jana manyegoi haru pe nian na hona samun halahi sanga disegoi. Tapi nada dapot halahi be hatiha laho mambaen songon i, halahi sandiri noma na hona samun dohot na dihianati.

JEREMIA 9:5

Marsigabusan sudena nada adong marhata na tigor; somal do pamanganna i mamburas nada ra halahi manadingkon dosana. Hakejaman mardapot hakejaman, gabus tu gabus sai torus ma i dipambaenan, ditulakkon halahi do Tuhan.

JEHESKIEL 40:46

jana balerong na mangadop tu Utara i diparade di angka malim na markarejo di langgatan do i. Angkon sian Marga Levi pomparan ni si Zadok do na tola mangadop tu Tuhan laho mangoloi Ia di bagasan paribadatan.

HAMALIMON 1:3

Muda giot sombahononnia sada lombu, angkon lombu jantan na so martihas. Dipasahat ma lombu i di pintu Bandar Parmianan Ni Tuhan, anso tumbuk roha ni Tuhan i tu halakna i.

HAMALIMON 19:11

Ulang ho manangko, mangicu sanga margabus.

HAMALIMON 5:15

Muda adong sada halak na mardosa so hara ni na niuntilna, hara ni na lalap ia pasahat silehen-lehen na patut tu Tuhan, angkon obanon ni halahi ma haul tobus ni hasalaan. Ia haul i, i ma sada biri-biri sanga hambeng jantan na so martihas. Diasam ma argana mangihutkon arga markite ukuran na marlaku di inganan na badia i.

HAMALIMON 5:19

I ma haul tobus ni hasalaan hara ni na mardosa halahi tu Tuhan.

HAMALIMON 6:1

Dilehen Tuhan dope angka aturan on tu si Musa.

AMOS 8:5

Didok hamu tu dirimunu sandiri, “Na lolot ma so sidung ari pesta. Sai giot gadisonta tibu angka gandumta, hape laing so marnasidung do pesta i. Andigan dope sidung Ari Sabat, anso tarbaen mangulahi marjagal? Ma por rohanta mangakal-akali, mangicu dohot parsuhatan, jana mambuat dohot timbangan.

HABAKUK 1:13

Na badia situtu do mataMu, hara ni i nada tarpaida-ida Ho hajahatan jana nada tarligi Ho hakejamon. Biasi sai paligi-ligionMu angka jolma na jahat i, jana sai hohom Ho taran diabisi halak na jahat i angka halak na dumenggan sian ia?

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

BAENON NI ANGKA RASUL 5:4

Nada he tanomu hian do i dompak so digadis ho? Dung digadis ho pe tano i, laing ho do nampuna hepengna i. Antong biasi tubu di bagasan rohamu mambaen songon i? Nada jolma na nigabusanmu. Tapi Debata do!”

EPESUS 4:25

Hara ni i, angkon burju do hamu sudena na sada tu na asing. Ulang be marsipaoto-otoan, angke rap anggota ni pamatang ni Kristus do hita sudena.

KOLOSSE 3:9

Ulang marsigabusan hamu, harana madung ditadingkon hamu ngolumunu na honok i rap dohot sude bakona i.

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.