HAMALIMON 6:18 - BIBEL JAMITA NA DENGGAN

¹⁸ Di sude hatiha di pudian ni ari, sude pomparan ni si Harun halaklahi, tola do mangankon roti i, i ma da bagian ni halahi na dung ditontuhon sian sipanganon na nipasahat tu Tuhan. Halak na asing na dais tu sipanganon na dung dihaulkon gabe badia hara hagogoan ni habadiaan ni haul i.

HAMALIMON 6:18 ပူးပေါင်းရင်းမြစ်များ

HARURUAR 29:37

Baen ma songon i ganop ari salolot pitu ari. Jadi gabe badia ma sude langgatan i jana sanga ise bope sanga aha sajo pe na manondongsa marmara ma i baenon ni hagogoan ni habadiaanna.”

HAMALIMON 3:17

Sahalak pe sian halak Israel nada tola mangankon tabo-tabo dohot mudar. Hot do aturan on ro di salolotna angkon sioloan ni ganop halak Israel sanga di dia pe halahi maringanan.

HAMALIMON 4:3

Muda Malim Godang do na mardosa i, pola dohot bangso i nisalahon hara ni i, angkon haulkononnia ma sada lombu jantan na poso na so martihas, anso disesa Tuhan dosania i.

HAMALIMON 4:33

Angkon payakkononnia ma tangannia tu ulu ni pahan-pahanan i, lalu disambol ia ma i sabola sian Utara ni langgatan inganan ni haul situtungon, inganan panyambolan ni angka binatang na gabe haul situtungon.

HAMALIMON 6:10

Dung i angkon pakeonnia do saraor pendek dohot baju juba na nibaen sian abit linen, lalu mambangkit abu na martabo-tabo na lobi sian langgatan jana mamayakkon tu topi ni langgatan i.

HAMALIMON 6:19

Dilehen Tuhan i dope angka aturan on tu si Musa,

HAMALIMON 6:27

Sanga ise jana barang aha pe na dais tu juhut ni pahan-pahanan i, angkon hona mara hara ni gogo ni habadiaanna. Muda mamistik saotik sian mudar ni pahan-pahanan i tu sada baju, angkon basuon baju i di sada inganan na badia.

HAMALIMON 6:29

Sude halaklahi sian horong ni malim tola do mangankon haul na sun badia i.

HAMALIMON 7:6

Sude halaklahi sian horong ni malim tola do mangankon juhut na nihaulkon i, tapi angkon di inganan na badia do panganonna, angke na sun badia do haul i.

BILANGAN 18:10

Etong ma i songon sada na badia, pangan ma i di inganan na badia. Hum halaklahi do na tola mangankon.

BILANGAN 18:8

Didok Tuhan tu si Harun, “Ingot ma ho! Sude silehen-lehen na mardohonan na nilehen tu Au na so pola ditutung songon haul, i ma bagianmu. I ma bagianmu na dung ditontuhon ro di salolot-lolotna. Hulehen i di ho dohot di pomparanmu.

1 KORINTUS 9:13

Tontu diboto hamu do, anggo halak na markarejo di Bagas Ni Debata, manjagit panganon do halahi sian Bagas Ni Debata. Dohot angka halak na mangurus inganan parkaulan ni haul, dijagit halahi do deba sian haul na nipasahat i disi.

1 PETRUS 1:16

Di Buku Na Badia i tarsurat do, “Angkon badia do hamu, angke Au pe na badia do.”

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.