HAMALIMON 6:16 - BIBEL JAMITA NA DENGGAN

^16-17 Topung na lobi i baenon ma roti na so marragi, angkon panganon ni angka malim ma i di inganan na badia, i ma di alaman ni Bandar Parmianan Ni Tuhan. I do bagian ni angka malim na nilehen ni Tuhan di halahi sian haul sipanganon. Sipanganon na badia situtu do i, dos dohot haul hasesaan ni dosa dohot haul tobus ni hasalaan.

HAMALIMON 6:16 ပူးပေါင်းရင်းမြစ်များ

2 JUJUR TAON 31:14

Tu si Kore anak ni si Jimna, i ma sada halak Levi na gabe kapala ni pangawal di Pintu Horbangan Habincaran di Bagas Ni Debata, dipasahat ma tanggung jawab laho manjagit dohot mambagi-bagihon angka silehen-lehen na nihaulkon i tu Tuhan.

HARURUAR 12:8

Borngin i ditutung ma juhutna i, dipangan ma rap dohot sayur paet dohot roti na so marragi.

JEHESKIEL 44:29

Angkon mangolu sian gandum na dihaulkon do halahi, sian haul hasesaan ni dosa, dohot sian haul parsiding ni hararugi, jana sasude na dung diaturkon gabe hapunjunganKu, angkon lehenon do i tu halahi.

HAMALIMON 2:3

Na lobi sian haul gandum i, i ma bagian ni malim. Na badia do gandum i, angke na nibuat sian panganon na dung nihaulkon tu Tuhan do i.

HAMALIMON 5:13

Songon i ma pangalahona baenon ni malim i pasahatkon haul hara ni dosa ni halahi, gabe sesaon ni Tuhan i ma dosana. Lobi ni gandum i, i ma bagian ni malim, sarupa tu haul gandum.

HAMALIMON 6:23

Haul gandum na nipasahat ni malim i angkon tutungon do lopus masak sude, saotik pe nada tola panganon.

HAMALIMON 6:26

Malim na manghaulkon pahan-pahanan i pe angkon panganonna do sian i di sada inganan na badia, i ma di alaman ni Bandar Parmianan Ni Tuhan.

BILANGAN 18:8

Didok Tuhan tu si Harun, “Ingot ma ho! Sude silehen-lehen na mardohonan na nilehen tu Au na so pola ditutung songon haul, i ma bagianmu. I ma bagianmu na dung ditontuhon ro di salolot-lolotna. Hulehen i di ho dohot di pomparanmu.

1 KORINTUS 5:8

Jadi tapestahon ma Paskanta i dohot roti na so marragi, i ma roti na manggambarkon hapolinon bope sasudena na tumbuk di roha ni Debata. Ulang ma tapestahon Paskah i mardongan roti na marragi na honok, i ma dosa dohot hajahatan.