4 Muda adong sahalak na marsala hara ni na marsumpa sembarangan taringot tu na mangkarejohon bagi aha pe, dung i diboto ia pambaenannia i dipudi, marsala ma ia disi.
Songon i ma pangalahona baenon ni malim i pasahatkon haul hara ni dosa ni halahi, gabe sesaon ni Tuhan i ma dosana. Lobi ni gandum i, i ma bagian ni malim, sarupa tu haul gandum.
“Sahalak dadaboru na so marbagas dope mambaen niet, sanga jolo dipikir ia sanga nada, muda dijanjihon ia mamantangkon sanga na aha, gabe dirahuti niet sanga janjinia i ma ia. Muda marbagas ia dung i tongtong do dirahut janjinia i ia, muda so kaboratan do halaklahinia di na nibegenia taringot tusi.
Marsak ma roha ni si Herodes umbege pangidoan i. Tapi hara ni janjinia nangkin dijolo ni halak na ro i, gabe diparentahon ia ma anso nioloan pangidoan ni anakboru i.
Marsumpa ma si Herodes tu anak boru i, ning ia, “Marjanji ma au, lehenonku ma di ho sanga aha na nipangidomu. Sugari harajaanku pe dipangido ho satonga, lehenonku ma i!”
Manyogotna i, adong ma halak Jahudi marlagut mambaen kompolotan. Disumpahon halahi ma na so ra halahi mangan sanga minum anggo so jolo dibunu halahi si Paulus.
Jadi didok bayo sidua halak i ma tusia, “Marjanji ma hami, muda lehenon ni Tuhan luat on tu hami, denggan do baenonnami tu hamu asal ma nada dipaboa ho sanga na tu ise pe taringot tu hami. Sai mate ma hami, muda nada hami patulus janjinami on.”
Dibaen si Josua ma parjanjian tanda mardongan dohot halak Gibeon i jana marjanji na so bunuon ni halahi. Jadi marsumpa ma angka pamimpin ni rayat ni Israel laho patuluskon parjanjian i.
Tapi bia dope baenon; nada tarbaen hita be mangisinkon angka borunta marbagas dohot halahi, harana madung tasumpahon do ganop be sian tonga-tonganta na so tola mangisinkon boruna marbagas dohot halak Benyamin!”
Bia noma baenonta anso tarbaen marripe halak Benyamin na tinggal on, harana anggo hita madung tasumpahon tu Tuhan na so isinkononta angka borunta gabe dongan saripe ni halak Benyamin!”
Antong muda sian ias ni rohamunu do tindakanmunu sadari on maradopkon damang dohot keluargania i, tole ma marsonang-sonang hamu dohot ia, jana padiar ma marsonang-sonang ia dohot hamu.
Dung i didok si Hanna ma janji, “O Tuhan Na Markuaso, parrohahon ma naposoMon! Ligi ma pardangolankon. Ingot ma jana ulang halupahon au! Muda dilehen Ho di au sada anak halaklahi, marjanji ma au mangalehensa tu Ho salolot ia mangolu, jana obukna pe nada unjung tola gotapon.”