HAMALIMON 5:17 - BIBEL JAMITA NA DENGGAN

¹⁷ Muda adong sada halak na mardosa so hara ni na niuntilnia, gabe dilaosi ia sada sian parenta ni Tuhan, madung marsala ia.

HAMALIMON 5:17 ပူးပေါင်းရင်းမြစ်များ

MASMUR 19:12

O, Tuhan nada adong na umboto hasalaanna sandiri, antong palua ma au sian hasalaan na buni.

HAMALIMON 4:13

Muda sude do halak Israel mardosa, tapi dosa na so niuntil ni halahi gabe dilaosi sada sian parenta ni Tuhan,

HAMALIMON 4:22

Muda halak na mardosa i umpamana sahalak parpangkat, mardosa ia hara ni na mangalaosi sada sian parenta ni Tuhan so hara ni na niuntilnia.

HAMALIMON 4:27

Muda sahalak rayat na somal do umpamana mardosa, mangalaosi sada sian parenta ni Tuhan so hara ni na niuntilnia.

HAMALIMON 5:15

Muda adong sada halak na mardosa so hara ni na niuntilna, hara ni na lalap ia pasahat silehen-lehen na patut tu Tuhan, angkon obanon ni halahi ma haul tobus ni hasalaan. Ia haul i, i ma sada biri-biri sanga hambeng jantan na so martihas. Diasam ma argana mangihutkon arga markite ukuran na marlaku di inganan na badia i.

HAMALIMON 5:18

Angkon obanonnia ma tu malim sada biri-biri sanga sada hambeng jantan na so martihas. Niasam ma argana mangihutkon arga na dung ditontuhon. Sombahonon ni malim ma haul i hara ni dosa ni halahi, gabe sesaon ni Tuhan ma dosana.

HAMALIMON 5:19

I ma haul tobus ni hasalaan hara ni na mardosa halahi tu Tuhan.

LUKAS 12:48

Tapi anggo naposo na so umboto hagiot ni tuanna, dung i dibaen ia na sala mambaen angkon nisambok ia, asok do panyambokna tu naposo i. Angke halak na dung dilehen bahat, bahat muse do dituntut sian ia. Jana halak na dung gabe hasahatan ni bahat pos ni roha, bahat muse do dituntut sian ia.”

SURAT NI SI PAULUS TU PARLAGUTAN ROM 14:23

Tapi sanga ise halak na ganggu rohana laho mangankon sanga aha, hape laing dipangan ia muse sipanganon i, hona uhum do, angke nada markite-hite haporsayaan dikarejohon. Angka na so tubu sian haporsayaan, dosa do i.