HAMALIMON 5:11 - BIBEL JAMITA NA DENGGAN

¹¹ Tapi muda suada tarlehen halak na marsala i sarongkap unggas hatutu sanga darapati gabe hasesaan ni dosana, angkon obanonnia ma topung dua liter. Nada tola nibaen tu topung i miak zetun sanga hamonyan, dibaen haul hasesaan ni dosa do i, nada haul gandum.

HAMALIMON 5:11 ပူးပေါင်းရင်းမြစ်များ

HARURUAR 16:18

Hatiha marsuhat halahi, hapengani halak na papungu umbahat panganon i nada adong lobina, jana na papunguhon hurang bahat, nada hahurangan. Ganop halahi palagutkon sabahat ni haporluanna.

HARURUAR 16:36

Suhat-suhat ni barang na pir na somal dipake halak hatiha i dos dohot dua pulu liter.)

HAMALIMON 1:14

Muda unggas do na nisombahon i gabe haul situtungon, angkon unggas hatutu do sanga darapati.

HAMALIMON 12:8

Muda so tarpatupa ina i mangalehen anak ni biri-biri angkon obanonnia ma dua darapati sanga dua hatutu. Sada ma i gabe haul situtungon, na asing i gabe haul hasesaan ni dosa. Baenon ni malim i ma sada hatiha laho manyesa hahodaran ni ina i, anso gabe ias.

HAMALIMON 14:21

Muda pogos do halahi, gabe nada tarhaulkon ia tolu pahan-pahanan songon na nitontuhon hian, jadi songon haul gonti ni hararugi tuk ma sada lombu jantan sajo obanonnia. I ma na gabe silehen-lehen na mardohonan tu Tuhan na gabe bagian ni malim. Anggo haul gandum tuk ma sakilogram topung gandum na dung marcampur miak obanonnia dohot miak zetun sapartolu liter.

HAMALIMON 27:8

Muda pogos situtu do halak na marniet i angkon dioban do ia tu jolo ni malim. Malim i sandiri do manontuhon arga na tumoruk, na targarar halak na marniet i.

HAMALIMON 5:12

Nioban ma topung i tu malim. Buaton ni malim i ma sanggolom sian topung i, songon tanda ma i bahaso na dung nihaulkon do topung i tu Tuhan. Topung na sanggolom i angkon nitutung do di ginjang ni langgatan na gabe haul sipanganon. I ma haul na gabe hasesaan ni dosa.

HAMALIMON 5:6

Jana songon uhuman hara ni dosania i, angkon obanonna di Tuhan sada biri-biri sanga sada hambeng boru-boru. Sombahonon ni malim i ma haul i, anso dapot hasesaan ni dosa ni halakna i.

HAMALIMON 5:9

Mudar ni unggas i angkon dipispiskon tu topi ni langgatan, dung i lobina i diusehon tu ojahan ni langgatan i. I ma haul na gabe hasesaan ni dosa.

HAMALIMON 6:20

taringot tu na mangojakkon sada malim sian pomparan ni si Harun. Di ari pangojakkon ni malim i, angkon obanonnia ma topung gandum sakilo di Tuhan. (Dos bahatna songon haul gandum ari-ari.) Satonga ma i sihaulkononkon manyogot i, lobina i di andospotangna.

BILANGAN 5:15

Muda masa pangalaho na dua on, angkon obanonna ma dadaborunia i tu malim. Obanonnia muse silehenon na porlu tusi, i ma sakilogram topung dahanon. Nada tola baenon tu topung i miak zetun sanga hamonyan, angke na nilehen ni sada halaklahi na mangiburu; jana hasayana anso diboto ia do tutu sanga nada na nituhaskonnia i.

LUKAS 2:24

Dohot na giot pasahatkon haul songon na dung di Tona Ni Tuhan i ma sapasang balom dohot dua darapati na poso.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

IBRANI 9:22

Tutu nian, anggo mangihutkon Tona ni ugamo Jahudi bolas nidok, sasudena sanga aha pe angkon nipaias dohot mudar do; jadi nada tarsesa dosa anggo so adong mudar na niduruskon.