HAMALIMON 4:4 - BIBEL JAMITA NA DENGGAN

⁴ Angkon obanonnia ma lombu i tu pintu ni Bandar Parmianan Ni Tuhan i. Payakkonon ni Malim Godang i ma tangannia tu ginjang ni ulu ni binatang i, lalu disambol ia di Bandar Na Badia.

HAMALIMON 4:4 ပူးပေါင်းရင်းမြစ်များ

2 JUJUR TAON 29:23

Ujungna dibuat halahi ma angka hambeng i jana dioban halahi ma i tu raja dohot rayat na maribadat i disi. Dipayakkon halahi ma tangan ni halahi be tu ginjang ni angka hambeng i.

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

DANIEL 9:26

Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.

HAMALIMON 16:21

Diampehon ia ma tangannia dua-dua tu ginjang ni ulu ni hambeng i lalu mangoku sude hasalaan, dosa, bope pangalaosion ni bangso Israel. Marhite na songon i, sude hajahatan ni bangso Israel dipayakkon tu ginjang ni ulu ni hambeng i. Dung i adong do sada halak na dung nitontuhon hian mangayak hambeng i tu parhorsihan.

HAMALIMON 4:15

Angkon payakkonon ni angka hatobangon ni bangso i ma tanganna tu ginjang ni ulu ni pahan-pahanan i, dung i disambol ma di inganan i.

HAMALIMON 4:29

Angkon payakkononnia ma tangannia tu ginjang ni ulu ni hambeng i, lalu disambol ia ma i di topi sabola sian Utara ni langgatan haul situtungon, inganan panyambolan ni angka pahan-pahanan na gabe haul situtungon.

HAMALIMON 8:14

Dung i dibuat si Musa ma sada lombu jantan jara-jara baen haul hasesaan ni dosa, lalu dipayakkon si Harun bope angka anaknia i ma tangan ni halahi tu ginjang ulu ni lombu i.

BILANGAN 8:12

Dung songon i payakkonon ni halak Levi i ma tangan ni halahi tu ginjang ulu ni lombu jantan na dua i, na sada haulkonon ma i gabe haul hasesaan ni dosa, na asing i gabe haul situtungon. Dohot pangalaho na songon i ma malua halak Levi i sian dosa ni halahi.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.