HAMALIMON 4:31 - BIBEL JAMITA NA DENGGAN

³¹ Tabo-tabo ni pahan-pahanan i angkon niharuarkon sude, songon na binaen tu haul haluaan i. Angkon tutungon ni malim i do tabo-tabo na di ginjang ni langgatan, anso jop roha ni Tuhan manganggo uapna i. Songon i ma pangalahona baenon ni malim i pasahat haul hara ni dosa ni sada rayat na somal, gabe sesaon ni Tuhan i ma dosana i.

HAMALIMON 4:31 ပူးပေါင်းရင်းမြစ်များ

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

ESRA 6:10

Patulus sudena i anso tarbaen halahi pasahatkon haul na pasonangkon roha ni Debata na markuaso di banua ginjang, jana anso dipangido halahi pasupasu di au dohot di angka anakku.

JOB 42:8

Antong anggo songon i, saonnari buat ma pitu lombu jantan dohot pitu biri-biri jantan lalu kehe ma hamu mandapotkon si Job. Dung i haulkon hamu ma i sudena gabe haul situtungon hara ni hamu sandiri. Tangiangkonon ni si Job ma salaho tu hamu jana jagitonKu ma tangiangnia i. Nada pola pailaonKu hamu haru pe nian na patut hamu manjagit uhuman. Nada didok hamu na satutuna salaho tu Au, hape anggo si Job didokkon ia do.”

HARURUAR 29:18

Tutung ma sude biri-biri jantan i di ginjang ni langgatan i gabe haul na nitutung. Uap ni haul on ma na pasonang Au.

JESAYA 42:21

Tuhan marpor ni roha mambaen anso malua, mangalehen pangajaranNia na godang jana marmulia.

JESAYA 53:10

Tapi hagiot ni Tuhan do manaon na hancit ia, jana mate songon haul panyesa ni dosa. Idaonnia do pomparannia jana ginjang umurnia tulus ma hagiot ni Tuhan markite-hite ia.

HAMALIMON 1:13

Dung i basuon ni halahi ma butuha dohot pat pudi ni pahan-pahanan i, jadi sombahonon ni malim i ma haul i tu Tuhan, lalu ditutung sude di ginjang ni langgatan. Uap ni haul sipanganon i ma pajop roha ni Tuhan.

HAMALIMON 1:17

Dung i ditiop ma unggas i di pangkal ni habongna i laho manyuakkon andorana, tapi nada tola torus taldus habongna i. Dung i ditutung ma unggas i dipayakkon tu hayu na gara di ginjang ni langgatan i. Uap ni haul sipanganon i ma pajop roha ni Tuhan.

HAMALIMON 1:9

Angkon basuon ni halahi do butuha dohot pat pudi ni pahan-pahanan i, dung i markarejo ma malim manutung sude haul sipanganon i pajop roha ni Tuhan.

HAMALIMON 14:18

Miak na lobi i angkon usehonon tu ulu ni halahi. Songon i ma pangalahona sibaenon ni angka malim di hatiha paiaskon diri di jolo ni Tuhan.

HAMALIMON 15:15

Pasahaton ni malim i ma sada sian unggas i gabe haul hasesaan ni dosa, na asing i gabe haul situtungon. Songon i ma pangalahona patuluskon paiaskon diri mangihutkon ugamo di halak na songon i.

HAMALIMON 19:22

Haulkonon ni malim ma biri-biri i di bagasan upacara mambaen badia anso sesa dosa ni halakna i, gabe ampunan ni Debata ma halakna i.

HAMALIMON 2:2

dung i dioban ma tu malim pomparan ni si Harun. Buaton ni malim na markarejo hatiha i ma sanggolom sian topung i dohot miak zetun bope hamonyan i sude, lalu ditutung ia ma di ginjang ni langgatan na gabe songon tanda bahaso haul i na dung dihaulkon sude tu Tuhan. Uap ni haul situtungon i ma pajop roha ni Tuhan.

HAMALIMON 2:9

Na gabe tanda ma i bahaso haul i na dung disombahon tu Tuhan, buaton ni malim ma deba sian roti i, dung i tutungonna ma di ginjang ni langgatan. Uap ni haul sipanganon i ma pajop roha ni Tuhan.

HAMALIMON 4:19

Tabo-tabo ni pahan-pahanan i angkon diharuarkon do sude lalu ditutung di ginjang ni langgatan i.

HAMALIMON 4:26

Dung i tutungon ni malim i ma sude tabo-tabo ni pahan-pahanan i di ginjang ni langgatan i. Pambaenna dos dohot pambaen ni haul haluaan. Songon i ma pangalahona laho pasahat haul hara ni dosa ni sahalak parpangkat, dung i sesaon ni Tuhan ma dosana i.

HAMALIMON 4:35

Angkon diharuarkon do sude tabo-tabo ni pahan-pahanan i, songon na dibaen tu haul haluaan. Ditutung ma sude tabo-tabo i di ginjang ni langgatan i rap dohot haul sipanganon sisombahonon tu Tuhan. Songon i ma baenon ni Malim i pasahatkon haul hara ni dosa ni sada halak, dung i sesaon ni Tuhan ma dosana i.”

HAMALIMON 5:10

Dung i sombahonon ni malim i ma unggas na paduahon na gabe haul situtungon songon na dung diaturkon. Songon i ma pangalahona baenon ni malim pasahatkon haul hara ni dosa ni halahi, dung i sesaon ni Tuhan i ma dosana.

HAMALIMON 5:6

Jana songon uhuman hara ni dosania i, angkon obanonna di Tuhan sada biri-biri sanga sada hambeng boru-boru. Sombahonon ni malim i ma haul i, anso dapot hasesaan ni dosa ni halakna i.

BILANGAN 15:25

Dung i angkon karejohonon ni malim i ma upacara taringot tu hasesaan ni dosa ni na bahat i. Dung i ampunan ni Debata ma halahi hara ni hasalaan na so niuntil i jana na dung dioban halahi haul hasesaan ni dosa gabe haul sipanganon tu Tuhan i.

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

EPESUS 5:2

Angkon mardai holong ni roha ma nian ngolumunu, laing songon pangkaholongi ni Kristus di hita. Dihaulkon Ia do diriNia hara ni hita, gabe songon silehen-lehen dohot haul na huskus na pasonangkon roha ni Debata.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

IBRANI 10:12

Tapi anggo Ia, dung dihaulkon Ia haul na sada i, hara ni dosa, juguk ma Ia salolot-lolotna di siamun ni Debata.

IBRANI 10:14

Jadi sian haul na sada i, gabe sanggam ma dibaen Kristus sudena halak na nipaias sian dosana salolot-lolotna.

IBRANI 9:12

Hum sanoli sajo do Kristus masuk tu Bilik Na Sun Badia na di bandar i ro di salolot-lolotna. Anggo di hatiha i nada maroban mudar ni hambeng jantan Ia sanga mudar ni anak ni lombu sihaulkonon; hum mudarNia sandiri do dioban Ia jana i ma dalanna dibaen Ia paluahon hita salolot-lolotna.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.