Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




HAMALIMON 4:3 - BIBEL JAMITA NA DENGGAN

3 Muda Malim Godang do na mardosa i, pola dohot bangso i nisalahon hara ni i, angkon haulkononnia ma sada lombu jantan na poso na so martihas, anso disesa Tuhan dosania i.

အခန်းကိုကြည့်ပါ။ ကော်ပီ




HAMALIMON 4:3
32 ပူးပေါင်းရင်းမြစ်များ  

Dibuat halahi ma pitu lombu jantan, pitu biri-biri, pitu anak ni biri-biri, dohot pitu hambeng, sipakeon baen haul pangampuni ni dosa ni keluarga ni raja dohot rayat ni Juda, dohot laho mangiasi Bagas Ni Debata i. Dung i disuru raja i ma angka malim pomparan ni si Harun manghaulkon angka pahan-pahanan i di ginjang ni langgatan gabe haul situtungon.


Laing di na sadari i, sude do angka na mulak sian habuangan i pasahatkon haul situtungon tu Debata ni Israel. Dihaulkon halahi do 12 lombu jantan baen di sude Israel, 96 biri-biri jantan, dohot 77 anak ni biri-biri; tamba ni i muse 12 biri-biri sipakeon gabe haul hasesaan ni dosa ni halahi sandiri. Ditutung do sude pahan-pahanan i gabe haul tu Tuhan.


Anggo juhut, huling-kuling dohot isi ni butuha ni lombu jantan i, angkon di ruar ni Bandar Parmianan do i tutungon. On ma haul hasesaan ni dosa.


Buat ma saotik mudar na di langgatan i dohot miak na badia saotik, lalu pispiskon ma i tu si Harun dohot tu pakeannia, songon i tu dakdanaknia dohot tu pakean ni halahi. Jadi songon i ma carana si Harun dohot dakdanaknia bope pakean ni halahi dihaulkon tu Au.


Jadi buat muse miak na badia, duruskon ma i di ginjang ni ulunia jana miahi ma ia.


Sanoli sataon angkon baenon ni si Harun upacara pabadiahon langgatan i; dipispis ia ma tandukna na opat i dohot mudar ni binatang na dihaulkon i baen panyesa ni dosa. Angkon baenon do songon i ganop taon sapanjangna. Angkon badia do langgatan on sudena, dihaulkon tu Au Tuhan.”


Di bilik na lapang i adong do opat meja, dua be ganop topi. Di ginjang ni angka meja i ma disambol angka pahan-pahanan sibaenon gabe haul situtungon i sanga haul hasesaan ni dosa sanga haul panobus ni hasalaan.


Hum malim pomparan ni si Zadok na sian Marga Levi sajo do na tola ro tu ingananKi laho mangoloi Au. Au Tuhan Debata do mamarentahon songon i. Lehen ma tu halahi sada lombu jantan sipakeon baen haul hasesaan ni dosa.


lalu kehe ma ia tu alaman parbagasan na di BagasKu, jana haulkononna haul laho paias dirina anso tola ia mangulahi markarejo ni BagasKu. Au Tuhan Debata madung mandok songon i.


Muda biri-biri sanga hambeng do na giot sombahonon i angkon jantan na so martihas.


Muda giot sombahononnia sada lombu, angkon lombu jantan na so martihas. Dipasahat ma lombu i di pintu Bandar Parmianan Ni Tuhan, anso tumbuk roha ni Tuhan i tu halakna i.


Hatiha dipasahat si Harun lombu jantan i gabe haul hasesaan ni dosania sandiri dohot keluargana,


Dung dipasahat ia lombu jantan na poso na gabe haul hasesaan ni dosa, dohot sada biri-biri jantan gabe haul situtungon, disi pe anso tola ia masuk tu Bilik Na Sun Badia i.”


Dung i pasahaton ni bangso Israel ma tu si Harun dua hambeng jantan gabe haul hasesaan ni dosa, dohot sada biri-biri jantan gabe haul situtungon.


Angkon pasahaton ni si Harun sada lombu jantan gabe hasesaan ni dosania dohot sude halahi sabagas.


jadi dung habotoan na mardosa halahi, angkon obanon ni bangso i ma sada lombu jantan na poso tu Bandar Parmianan Ni Tuhan. Disombahon ma binatang i gabe haul hasesaan ni dosa.


Disi tarboto dosania i tusia, angkon sigop ma haulkononnia sada hambeng jantan na so martihas. Payakkononnia ma tangannia tu ginjang ni ulu ni hambeng i, lalu disambol di topi ni langgatan sabola sian Utara, inganan panyambolan ni angka pahan-pahanan na gabe haul situtungon.


Dung tarboto dosania i tusia, sigop ma haulkononnia sada hambeng boru-boru na so martihas.


Deba sian mudar ni lombu i, angkon obanonnia tu bagasan Bandar Parmianan.


Jana songon uhuman hara ni dosania i, angkon obanonna di Tuhan sada biri-biri sanga sada hambeng boru-boru. Sombahonon ni malim i ma haul i, anso dapot hasesaan ni dosa ni halakna i.


Di sude hatiha di pudian ni ari, sude pomparan ni si Harun halaklahi, tola do mangankon roti i, i ma da bagian ni halahi na dung ditontuhon sian sipanganon na nipasahat tu Tuhan. Halak na asing na dais tu sipanganon na dung dihaulkon gabe badia hara hagogoan ni habadiaan ni haul i.


Dung salpu i diojakkon ia ma si Harun marhite na mangusehon miak upacara i saotik tu ginjang ulu ni si Harun.


Didok si Musa ma tu si Harun, “Buat ma sada lombu jantan na poso dohot sada biri-biri jantan rap na so adong tihasna. Haulkon ma pahan-pahanan na dua i tu Tuhan; lombu jantan i ma gabe haul hasesaan ni dosa jana biri-biri jantan i gabe haul situtungon.


Dung i suru muse ma halak Israel maroban haul na gabe hasesaan ni dosa sada hambeng jantan bope gabe haul situtungon sada anak ni lombu dohot sada anak ni biri-biri rap marumur sataon jana na so adong tihasna.


Tapi dipaunduk si Musa dohot si Harun ma manyomba lalu didok halahi, “Ale Debata, Ho do na mangalehen hangoluan tu sude na mangolu. Muda mardosa sahalak, sude dehe halak na bahat on muruhanMu?”


Dung i suru muse halahi mambuat sada lombu jantan na poso dohot haul gandum, i ma topung na dung dicampur dohot miak zetun. Dung i ho pe Musa angkon buatonmu sada lombu jantan na asing gabe haul hasesaan ni dosa.


Sanga aha na so tarpatupa Tona i, hara ni bako ni hajolmaonta na gale, madung dibaen Debata. Madung ditaluhon Debata do kuaso ni dosa na di bagasan bako ni jolma i, i ma markite-hite na marsuru AnakNia sandiri, na ro di bagasan pangalaho na sarupa dohot jolma pardosa, laho manyesa dosa.


Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.


Boti hara ni hagaleannia sandiri, angkon laing haulkononnia do haul, nada hum hara ni angka dosa ni bangso i, tapi dohot do hara ni dosania sandiri.


Hum sanoli sajo do Kristus masuk tu Bilik Na Sun Badia na di bandar i ro di salolot-lolotna. Anggo di hatiha i nada maroban mudar ni hambeng jantan Ia sanga mudar ni anak ni lombu sihaulkonon; hum mudarNia sandiri do dioban Ia jana i ma dalanna dibaen Ia paluahon hita salolot-lolotna.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ