HAMALIMON 4:28 - BIBEL JAMITA NA DENGGAN

²⁸ Dung tarboto dosania i tusia, sigop ma haulkononnia sada hambeng boru-boru na so martihas.

HAMALIMON 4:28 ပူးပေါင်းရင်းမြစ်များ

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

MASMUR 90:8

Dipatalak Ho angka dosanami di joloMu, dosanami na buni pe torang do di parnidaanMu.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

JEREMIA 31:22

Sadia honok nari sai torus ganggu ho, ale dakdanak dadaboru na so setia tu Au? Madung Hutompa na imbaru di tano on, dadaboru mangondingi halaklahi.”

HAMALIMON 4:14

jadi dung habotoan na mardosa halahi, angkon obanon ni bangso i ma sada lombu jantan na poso tu Bandar Parmianan Ni Tuhan. Disombahon ma binatang i gabe haul hasesaan ni dosa.

HAMALIMON 4:23

Disi tarboto dosania i tusia, angkon sigop ma haulkononnia sada hambeng jantan na so martihas. Payakkononnia ma tangannia tu ginjang ni ulu ni hambeng i, lalu disambol di topi ni langgatan sabola sian Utara, inganan panyambolan ni angka pahan-pahanan na gabe haul situtungon.

HAMALIMON 4:3

Muda Malim Godang do na mardosa i, pola dohot bangso i nisalahon hara ni i, angkon haulkononnia ma sada lombu jantan na poso na so martihas, anso disesa Tuhan dosania i.

HAMALIMON 4:32

Muda giot haulkonon ni sada halak sada biri-biri anso disesa dosana, angkon biri-biri boru-boru na so martihas do haulkononna.

HAMALIMON 5:6

Jana songon uhuman hara ni dosania i, angkon obanonna di Tuhan sada biri-biri sanga sada hambeng boru-boru. Sombahonon ni malim i ma haul i, anso dapot hasesaan ni dosa ni halakna i.

SURAT NI SI PAULUS TU PARLAGUTAN ROM 8:3

Sanga aha na so tarpatupa Tona i, hara ni bako ni hajolmaonta na gale, madung dibaen Debata. Madung ditaluhon Debata do kuaso ni dosa na di bagasan bako ni jolma i, i ma markite-hite na marsuru AnakNia sandiri, na ro di bagasan pangalaho na sarupa dohot jolma pardosa, laho manyesa dosa.

GALATIA 3:28

Anggo taringot tuson, nada adong be dibaen mardia imbar halak Jahudi sanga angka halak Junani, hatoban dohot na mardeka, halaklahi dohot dadaboru. Gabe sada do hamu sudena hara ni Kristus Jesus.