HAMALIMON 4:27 - BIBEL JAMITA NA DENGGAN

²⁷ Muda sahalak rayat na somal do umpamana mardosa, mangalaosi sada sian parenta ni Tuhan so hara ni na niuntilnia.

HAMALIMON 4:27 ပူးပေါင်းရင်းမြစ်များ

MASMUR 19:13

Padao ma au sian dosa na nisangajo, ulang padiar au dikuasoi. Jadi gabe jolma na sun denggan ma iba, jana malua sian hajahatan ni dosa.

HARURUAR 12:49

Dos do aturan tu halak Israel asli dohot tu halak na leban na dung hot rap dohot hamu.”

JEHESKIEL 45:17

Angkon paradeonnia do pahan-pahanan baen haul situtungon songon i angka sipakeon baen tu haul gandum dohot haul anggur di sude bangso Israel muda dapot di ari pesta Bulan Na Imbaru, di Ari Sabat dohot angka ari pesta na asing i. Angkon paradeonnia do haul hasesaan ni dosa, haul gandum, haul situtungon, dohot haul pardamean laho mangido anso diampuni bangso Israel.”

JEHESKIEL 45:20

Laing songon i muse ma baenon di tanggal pitu bulan i, di sude halak na dung mambaen dosa sian na so diuntil sanga hara ni na so dibotosa. Songon i ma baenonmunu laho manjago habadiaan ni BagasKu.

HAMALIMON 4:13

Muda sude do halak Israel mardosa, tapi dosa na so niuntil ni halahi gabe dilaosi sada sian parenta ni Tuhan,

HAMALIMON 4:2

paboahon tu bangso Israel songon on: “Muda adong sanga ise na mardosa, na so niuntilnia, gabe dilaosi ia sada sian angka parenta ni Tuhan, angkon ihutkononnia ma angka aturan on.

HAMALIMON 4:22

Muda halak na mardosa i umpamana sahalak parpangkat, mardosa ia hara ni na mangalaosi sada sian parenta ni Tuhan so hara ni na niuntilnia.

HAMALIMON 5:17

Muda adong sada halak na mardosa so hara ni na niuntilnia, gabe dilaosi ia sada sian parenta ni Tuhan, madung marsala ia.

HAMALIMON 9:15

Dung salpu songon i dipasahat ia muse ma haul na nioban ni halak na bahat i. Hambeng sihaulkononkon na gabe haul hasesaan ni dosa ni na bahat i dibuat ia lalu disambol ia, dung i dipasahat ia ma i songon pambaen ni haul hasesaan ni dosania sandiri.

BILANGAN 15:22

Betak adong muse halak dohot na so disangajonia lupa patulus deba sian angka paraturan na nilehen ni Tuhan i tu si Musa.

BILANGAN 15:27

Muda mardosa sahalak marhite na so disangajo, angkon haulkononnia sada hambeng boru-boru na marumur sataon gabe haul hasesaan ni dosana.

BILANGAN 15:29

Dos do aturan i mangonai sanga tu ise pe na mardosa so hara ni na niuntil ia, bope halak Israel ia bope halak na leban na maringanan disi.

BILANGAN 5:6

angka aturan tu bangso Israel. Muda adong sahalak na so manghabiari Tuhan, mambaen hasalaan tu halak na asing,