HAMALIMON 4:23 - BIBEL JAMITA NA DENGGAN

^23-24 Disi tarboto dosania i tusia, angkon sigop ma haulkononnia sada hambeng jantan na so martihas. Payakkononnia ma tangannia tu ginjang ni ulu ni hambeng i, lalu disambol di topi ni langgatan sabola sian Utara, inganan panyambolan ni angka pahan-pahanan na gabe haul situtungon.

HAMALIMON 4:23 ပူးပေါင်းရင်းမြစ်များ

MASMUR 90:8

Dipatalak Ho angka dosanami di joloMu, dosanami na buni pe torang do di parnidaanMu.

JEHESKIEL 43:22

Ancogotna i angkon haulkononmu do sada hambeng jantan na so martihas baen haul hasesaan ni dosa. Ias ma langgatan i dohot mudar ni hambeng i, laing songon na nibaenmu salaho tu lombu jantan na poso i.

HAMALIMON 1:3

Muda giot sombahononnia sada lombu, angkon lombu jantan na so martihas. Dipasahat ma lombu i di pintu Bandar Parmianan Ni Tuhan, anso tumbuk roha ni Tuhan i tu halakna i.

HAMALIMON 23:19

Lehen muse ma sada hambeng jantan gabe haul hasesaan ni dosa, dohot dua anak ni biri-biri jantan na marumur sataon gabe haul hasesaan ni dosa.

HAMALIMON 4:14

jadi dung habotoan na mardosa halahi, angkon obanon ni bangso i ma sada lombu jantan na poso tu Bandar Parmianan Ni Tuhan. Disombahon ma binatang i gabe haul hasesaan ni dosa.

HAMALIMON 4:28

Dung tarboto dosania i tusia, sigop ma haulkononnia sada hambeng boru-boru na so martihas.

HAMALIMON 4:3

Muda Malim Godang do na mardosa i, pola dohot bangso i nisalahon hara ni i, angkon haulkononnia ma sada lombu jantan na poso na so martihas, anso disesa Tuhan dosania i.

HAMALIMON 5:4

Muda adong sahalak na marsala hara ni na marsumpa sembarangan taringot tu na mangkarejohon bagi aha pe, dung i diboto ia pambaenannia i dipudi, marsala ma ia disi.

HAMALIMON 9:3

Dung i suru muse ma halak Israel maroban haul na gabe hasesaan ni dosa sada hambeng jantan bope gabe haul situtungon sada anak ni lombu dohot sada anak ni biri-biri rap marumur sataon jana na so adong tihasna.

BILANGAN 15:24

Muda marsala jolma i, hara ni na so diboto ia paraturan i angkon haulkonon ni halahi sada lombu jantan gabe haul situtungon. Angkon haulkonon ni halahi muse rap dohot i haul gandum dohot aek ni anggur na dung ditontuhon. Uap ni haul i pajop roha ni Tuhan. Tamba ni i angkon haulkonon ni halahi sada biri-biri jantan gabe haul hasesaan ni dosa.

BILANGAN 28:15

Songon tamba ni haul situtungon siganop ari dohot haul aek ni anggur, angkon laing lehenonmunu dope sada hambeng jantan gabe haul hasesaan ni dosa.”

BILANGAN 28:30

Lehen hamu muse sada hambeng jantan na gabe haul hasesaan ni dosa. Dohot pangalaho na songon i ma hamu patuluskon karejo hasesaan ni dosa ni na bahat.

BILANGAN 29:11

Asing sian hambeng na dihaulkon di ari hasesaan ni dosa ni na bahat i, lehen hamu muse dope sada hambeng jantan gabe haul hasesaan ni dosa. Haul situtungon siganop ari rap dohot haul gandum dohot haul aek ni anggurna, angkon haulkonon muse do di ari i.”

BILANGAN 29:16

Asing sian i angkon haulkononmunu sada hambeng jantan gabe haul hasesaan ni dosa. Haul i gabe tamba-tamba tu haul situtungon siganop ari rap dohot haul gandum dohot haul aek ni anggurna.

BILANGAN 29:5

Lehenon muse ma sada hambeng jantan gabe haul hasesaan ni dosa. Di bagasan pangalaho na songon i ma patulusonmunu karejo hasesaan ni dosa ni na bahat i.

SURAT NI SI PAULUS TU PARLAGUTAN ROM 8:3

Sanga aha na so tarpatupa Tona i, hara ni bako ni hajolmaonta na gale, madung dibaen Debata. Madung ditaluhon Debata do kuaso ni dosa na di bagasan bako ni jolma i, i ma markite-hite na marsuru AnakNia sandiri, na ro di bagasan pangalaho na sarupa dohot jolma pardosa, laho manyesa dosa.