HAMALIMON 4:2 - BIBEL JAMITA NA DENGGAN

² paboahon tu bangso Israel songon on: “Muda adong sanga ise na mardosa, na so niuntilnia, gabe dilaosi ia sada sian angka parenta ni Tuhan, angkon ihutkononnia ma angka aturan on.

HAMALIMON 4:2 ပူးပေါင်းရင်းမြစ်များ

PAMUNGKAAN 20:9

Dung i dipiohon si Abimelek ma si Abraham laho manyapai. Ning ia ma, “Na mambaen bia dehe ho tu hami? Aha lakna salangku tu ho, umbaen na ro siluluton on tu au dohot tu harajaanku hara ni ho? Nada di dalanna baenonmu tu au songon i.

MASMUR 19:12

O, Tuhan nada adong na umboto hasalaanna sandiri, antong palua ma au sian hasalaan na buni.

MASMUR 19:13

Padao ma au sian dosa na nisangajo, ulang padiar au dikuasoi. Jadi gabe jolma na sun denggan ma iba, jana malua sian hajahatan ni dosa.

PARJAMITA 5:6

Ulang ma angka hatamu sandiri mambaen mardosa ho, jadi gabe tarpaksa noma ho mandok tu malim na marhobas tu Tuhan, bahaso na sala do ho. Porlu ma he Debata gabe muruk hara ni angka hatamu jana manyegohon angka na nikarejohonmu?

HAMALIMON 22:14

Muda adong sahalak sian na so sabagas ni malim, sian na so disangajo ia hape tarpangan ia haul na badia i, angkon gararonnia tu malim mangulahi sude arga ni haul i ditamba dope dua pulu porsen.

HAMALIMON 4:1

Disuru Tuhan ma si Musa,

HAMALIMON 4:13

Muda sude do halak Israel mardosa, tapi dosa na so niuntil ni halahi gabe dilaosi sada sian parenta ni Tuhan,

HAMALIMON 4:22

Muda halak na mardosa i umpamana sahalak parpangkat, mardosa ia hara ni na mangalaosi sada sian parenta ni Tuhan so hara ni na niuntilnia.

HAMALIMON 4:27

Muda sahalak rayat na somal do umpamana mardosa, mangalaosi sada sian parenta ni Tuhan so hara ni na niuntilnia.

BILANGAN 35:11

angkon tontuhononmunu kota haporusan, anso tarbaen angka halak na so marsangajo mamunu jolma, marlojong tusi.

PANGARATAION 19:4

Muda adong sada halak na so sangajo mamunu halak na asing na so musuna, tarbaensa ma paluahon dirina maporus tu sada sian kota i laho manjalahi parlindungan.

1 TIMOTEUS 1:13

Najolo, madung hupalayas Ia, huparkanciti jana hupabile. Tapi haru songon i pe asi do roha ni Debata mida au, angke nada porsaya dope au hatiha i, gabe nada huboto sanga aha na hubaen i.

IBRANI 5:2

Laing gale do Malim Godang i di ragam-ragam ni pangalaho, tapi haru songon i pe laing tarbaen ia muse dope marlambok ni roha maradopkon angka halak na so umboto sanga aha jana na lilu pardalananna.

IBRANI 9:7

Anggo na masuk tu bilik parbagasan ni bandar i hum Malim Godang i sajo do. I pe, hum sanoli sataon do i tola. I pe angkon mamboan mudar do ia patuluskon i, i ma sisombahononkon tu Debata hara ni ia sandiri dohot hara ni angka dosa na nibaen ni bangsonia i sian na so pamotoanna.

JAKOBUS 3:10

Sian pamangan na sada i haruar do angka hata pasupasu jana dohot muse angka hata bura. Nada tola songon i hamu ale angka dongan!

1 SAMUEL 14:27

Tapi anggo si Jonatan nada diboto ia na dung diancam ni amangnia do rayat i dohot bura; jadi disurduhon ia ma tungkot na niobannia i, jana disornomkon ia ma i tu asar ni loba i, lalu dibuat ia aerna i, dipangan ia. Manigor margogo ma dihilala ia.