HAMALIMON 4:15 - BIBEL JAMITA NA DENGGAN

¹⁵ Angkon payakkonon ni angka hatobangon ni bangso i ma tanganna tu ginjang ni ulu ni pahan-pahanan i, dung i disambol ma di inganan i.

HAMALIMON 4:15 ပူးပေါင်းရင်းမြစ်များ

2 JUJUR TAON 29:23

Ujungna dibuat halahi ma angka hambeng i jana dioban halahi ma i tu raja dohot rayat na maribadat i disi. Dipayakkon halahi ma tangan ni halahi be tu ginjang ni angka hambeng i.

HARURUAR 24:1

Dung i didok Tuhan ma tu si Musa, “Nangkok ma hamu mandapotkon Au, ho rap dohot si Harun, si Nadab dohot si Abihu dohot pamimpin ni halak Israel na pitu pulu halak i. Jadi dompak dao dope hamu sian on, angkon marsomba do hamu.

HARURUAR 24:9

Dung i manangkok ma si Musa, si Harun, si Nadab, si Abihu dohot pamimpin ni halak Israel na pitu pulu halak i tu dolok i,

HAMALIMON 1:3

Muda giot sombahononnia sada lombu, angkon lombu jantan na so martihas. Dipasahat ma lombu i di pintu Bandar Parmianan Ni Tuhan, anso tumbuk roha ni Tuhan i tu halakna i.

HAMALIMON 1:4

Dung i payakkonon ni halahi ma tanganna tu ginjang ni ulu ni pahan-pahanan i, gabe jagiton ni Tuhan i ma silehen-lehenna i gabe haul hasesaan ni dosa ni halahi.

HAMALIMON 16:21

Diampehon ia ma tangannia dua-dua tu ginjang ni ulu ni hambeng i lalu mangoku sude hasalaan, dosa, bope pangalaosion ni bangso Israel. Marhite na songon i, sude hajahatan ni bangso Israel dipayakkon tu ginjang ni ulu ni hambeng i. Dung i adong do sada halak na dung nitontuhon hian mangayak hambeng i tu parhorsihan.

HAMALIMON 4:16

Dung i obanon ni Malim Godang i ma sabagian sian mudar i tu bagasan Bandar Parmianan.

HAMALIMON 4:4

Angkon obanonnia ma lombu i tu pintu ni Bandar Parmianan Ni Tuhan i. Payakkonon ni Malim Godang i ma tangannia tu ginjang ni ulu ni binatang i, lalu disambol ia di Bandar Na Badia.

HAMALIMON 8:14

Dung i dibuat si Musa ma sada lombu jantan jara-jara baen haul hasesaan ni dosa, lalu dipayakkon si Harun bope angka anaknia i ma tangan ni halahi tu ginjang ulu ni lombu i.

HAMALIMON 8:18

Dung i dibuat si Musa muse ma biri-biri jantan baen haul situtungon, dipayakkon si Harun bope anaknia i ma tangan ni halahi tu ginjang ulu ni biri-biri i.

HAMALIMON 8:22

Dung i dibuat si Musa ma biri-biri jantan na paduahon na hasaya di na mangangkat malim. Dipayakkon si Harun bope angka anaknia i ma tangan ni halahi tu ulu ni pahan-pahanan i.

BILANGAN 11:16

Dung i ninna Tuhan ma tu si Musa, “Palagut ma pitu pulu halak na diparsangapi jana na tarakui gabe pamimpin ni bangso on. Oban ma halahi tu Au tu Bandar ParmiananKu dung i suru ma sabola ho jongjong halahi.

BILANGAN 11:25

Mijur ma Tuhan sian ombun i laho mangkatai dohot si Musa. Dibuat Tuhan i ma saotik sian Tondi na dung dilehen Tuhan i tu si Musa, lalu dilehen Ia tu pamimpin na pitupulu halak i. Dung mijur tondi i tu ginjang ni halahi, mamungka ma halahi mangkatai songon panurirang, tapi nada pola sadia honok.

BILANGAN 8:10

Payakkonon ni halak Israel ma tangan ni halahi tu ginjang ulu ni halak Levi,

BILANGAN 8:12

Dung songon i payakkonon ni halak Levi i ma tangan ni halahi tu ginjang ulu ni lombu jantan na dua i, na sada haulkonon ma i gabe haul hasesaan ni dosa, na asing i gabe haul situtungon. Dohot pangalaho na songon i ma malua halak Levi i sian dosa ni halahi.