HAMALIMON 4:12 - BIBEL JAMITA NA DENGGAN

¹² sudena i angkon nioban tu balian ni parbandaran i dung i nitutung ma i di ginjang soban di inganan pangambungan ni abuan, i ma inganan na dung ias mangihutkon ugamo.

HAMALIMON 4:12 ပူးပေါင်းရင်းမြစ်များ

HARURUAR 29:14

Anggo juhut, huling-kuling dohot isi ni butuha ni lombu jantan i, angkon di ruar ni Bandar Parmianan do i tutungon. On ma haul hasesaan ni dosa.

JEHESKIEL 43:21

Dung salpu i, buat ma lombu jantan sipakeon baen hasesaan ni dosa i jana tutung ma i di inganan na dung ditontuhon i, i ma di ruar ni tano na masuk tu Bagas Na Badia i.

HAMALIMON 13:46

Salolot diae ia nyae i, ramun do ibana. Angkon di balian ni parbandaran do ingananna, dao sian halak na asing.

HAMALIMON 16:27

Lombu jantan dohot hambeng na gabe haul hasesaan ni dosa i, na dung dioban mudarna tu Bilik Na Sun Badia gabe hasesaan ni dosa, angkon obanon tu balian ni parbandaran lalu ditutung. Bobakna, juhutna dohot pangisi ni butuha ni pahan-pahanan na dua i angkon sude tutungon.

HAMALIMON 4:21

Dung i dioban ma lombu jantan i tu ruar anso ditutung di balian ni Bandar Parmianan. Pambaenna dos dohot na pasahat lombu jantan na gabe haul hasesaan ni dosa ni Malim Godang i sandiri. Songon i ma pambaenna laho pasahat haul hasesaan ni dosa ni bangso i.

HAMALIMON 6:23

Haul gandum na nipasahat ni malim i angkon tutungon do lopus masak sude, saotik pe nada tola panganon.

HAMALIMON 6:30

Pahan-pahanan nampuna mudar na dioban tu bagasan Bandar Parmianan, na nipake i laho mangido hasesaan ni dosa, angkon tutungon do sude, nada tola i panganon.

HAMALIMON 6:4

Angkon gararonnia do mulak sanga aha na dapotnia sian dalan na so tigor. Muda tardapot sahalak marsala hatiha dibaen ia hasalaan i, angkon gok do gararonnia tu nampuna i ditamba muse dope duapulu porsen.

HAMALIMON 8:17

Na lobi sian juhut ni lombu i dibuat ia, i ma: Juhutna, bobak dohot butuhana, sudena i ditutung di balian ni Bandar Parmianan songon na nitontuhon ni Tuhan.

HAMALIMON 9:11

Tapi juhut dohot bobak ni pahan-pahanan i, ditutung ia di balian ni parbandaran i.

BILANGAN 15:35

Didok Tuhan ma tu si Musa, “Angkon mate uhumon do bayo i, nioban ma ia tu balian ni parbandaran i.”

BILANGAN 19:3

Lehen ma i tu si Eleasar. Obanon ma lombu i tu balian ni parbandaran i jana disambol ma i di jolo ni si Eleasar.

BILANGAN 19:5

Sude lombu i dohot bobakna, juhutna, mudar dohot isi ni butuhana angkon tutungon di jolo ni malim i.

BILANGAN 5:3

Bope halaklahi sanga dadaboru angkon suruonmu kehe tu balian ni parbandaran, anso ulang diramuni halahi inganan parbandaran, ingananKu rap dohot halahi.”

IBRANI 13:11

Anggo mudar ni pahan-pahanan na nihaulkon i gabe haul laho manyesa dosa, dioban Malim Godang do i tu Bilik Na Sun Badia di bagasan bandar i; tapi anggo bangke ni pahan-pahanan i sandiri di duru ni bandar i do nitutungan.