HAMALIMON 4:11 - BIBEL JAMITA NA DENGGAN

¹¹ Tapi sude bobakna dohot juhutna, uluna, patna, isi ni butuhana, masuk ma disi butuhana,

HAMALIMON 4:11 ပူးပေါင်းရင်းမြစ်များ

MASMUR 103:12

Songon dao ni Habincaran tu Hasundutan sai ma daona diambungkon Ia dosanta.

HARURUAR 29:14

Anggo juhut, huling-kuling dohot isi ni butuha ni lombu jantan i, angkon di ruar ni Bandar Parmianan do i tutungon. On ma haul hasesaan ni dosa.

HAMALIMON 16:27

Lombu jantan dohot hambeng na gabe haul hasesaan ni dosa i, na dung dioban mudarna tu Bilik Na Sun Badia gabe hasesaan ni dosa, angkon obanon tu balian ni parbandaran lalu ditutung. Bobakna, juhutna dohot pangisi ni butuha ni pahan-pahanan na dua i angkon sude tutungon.

HAMALIMON 4:10

Angkon tutungon ni malim i ma sudena i di ginjang ni langgatan inganan ni haul situtungon, dos pambaenna songon na tu haul haluaan.

HAMALIMON 4:21

Dung i dioban ma lombu jantan i tu ruar anso ditutung di balian ni Bandar Parmianan. Pambaenna dos dohot na pasahat lombu jantan na gabe haul hasesaan ni dosa ni Malim Godang i sandiri. Songon i ma pambaenna laho pasahat haul hasesaan ni dosa ni bangso i.

HAMALIMON 6:30

Pahan-pahanan nampuna mudar na dioban tu bagasan Bandar Parmianan, na nipake i laho mangido hasesaan ni dosa, angkon tutungon do sude, nada tola i panganon.

BILANGAN 19:3

Lehen ma i tu si Eleasar. Obanon ma lombu i tu balian ni parbandaran i jana disambol ma i di jolo ni si Eleasar.

BILANGAN 19:5

Sude lombu i dohot bobakna, juhutna, mudar dohot isi ni butuhana angkon tutungon di jolo ni malim i.