HAMALIMON 3:9 - BIBEL JAMITA NA DENGGAN

⁹ Songon haul sipanganon tu Tuhan angkon sombahonon ni malim i ma goar-goaran ni juhut na nilapa i. Tabo-tabona, sude lalaina na marisi tabo-tabo jana digotap donok tu hayu tanggurungna, tabo-tabo na mamalut butuhana,

HAMALIMON 3:9 ပူးပေါင်းရင်းမြစ်များ

2 SAMUEL 6:17

Dioban ma Poti Parjanjian i masuk jana dipayakkon ma di ingananna di bagasan bandar na dung dipajongjong si Daud inganan ni Poti i. Dung i dihaulkon si Daud ma tu Tuhan haul na nitutung dohot haul haluaan.

1 RAJA-RAJA 3:15

Dung ngot, diboto si Salomo ma, hape Debata do na mangkatai dohot ia di bagasan nipi. Dung i kehe ma ia tu Jerusalem jongjong di jolo ni Poti Parjanjian ni Tuhan laho manghaulkon haul situtungon dohot haul haluaan. Dung salpu i dibaen ia ma pesta di sude pagawenia i.

1 RAJA-RAJA 8:63

Na gabe haul haluaan dipasahat Raja Salomo ma tu Tuhan 22.000 lombu dohot 120.000 biri-biri. Songon i ma dibaen Raja Salomo dohot sude Israel pasahatkon bagas parsombaan i tu Debata.

1 RAJA-RAJA 8:64

Laing di ari i do dibaen si Salomo upacara pamasumasuon di alaman na di jolo ni Bagas Ni Debata. Dung i dipasahat ia ma di alaman i haul situtungon, haul gandum dohot tabo-tabo ni binatang baen haul haluaan. Sudena dipasahat ia disi dibaen mamenektu do langgatan tumbaga i inganan ni sude haul i.

1 JUJUR TAON 16:1

Dioban ma Poti Parjanjian i masuk tu bandar na niparade ni si Daud hian. Marhaul ma halahi tu Debata pasahatkon haul situtungon dohot haul pardamean.

HARURUAR 29:22

Buat ma tabo-tabo ni biri-biri jantan i, ihurna na martabo-tabo i, tabo-tabo na sian butuhana i, bagian na dumenggan sian ate-atena i, piana na dua dohot tabo-tabo na lohot disi dohot hae-hae siamunna i.

PODA 23:26

Denggan-denggan ma parrohahon jana tiru ma ngolungku, ale anakku!

JESAYA 53:10

Tapi hagiot ni Tuhan do manaon na hancit ia, jana mate songon haul panyesa ni dosa. Idaonnia do pomparannia jana ginjang umurnia tulus ma hagiot ni Tuhan markite-hite ia.

HAMALIMON 17:5

Na nipangido ni parenta on, i ma mamungka saonnari anso sude halak Israel angkon maroban tu Bandar Parmianan Ni Tuhan, i ma angka pahan-pahanan na dung somal disambol di ladang. Saonnari angkon obanon ni halahi noma i jana pasahatonna tu malim di pintu ni Bandar Na Badia jana disi ma disambol na gabe haul haluaan.

HAMALIMON 7:3

Sude tabo-tabo angkon paasingon. Lalaina na martabo-tabo, bope tabo-tabo na mamalut butuhana angkon pasahaton tu ginjang ni langgatan,

HAMALIMON 8:25

Dibuat si Musa ma tabo-tabo ni pahan-pahanan i, lalaina na martabo-tabo dohot sude tabo-tabo na mamalut butuhana, dohot angka na dumenggan sian ate-atena, pia dohot tabo-tabona bope patna pudi parsiamun.

HAMALIMON 9:19

Juhut na martabo-tabo sian lombu dohot hambeng i dibaen ia,

1 SAMUEL 10:8

Dung salpu i angkon kehe do ho tu Gilgal jana painte ma disi pitu ari. Ro pe au laho manghaulkon haul situtungon dohot haul haluaan, lalu paboahon tu ho sanga aha na angkon sibaenonmu.”