HAMALIMON 3:17 - BIBEL JAMITA NA DENGGAN

¹⁷ Sahalak pe sian halak Israel nada tola mangankon tabo-tabo dohot mudar. Hot do aturan on ro di salolotna angkon sioloan ni ganop halak Israel sanga di dia pe halahi maringanan.

HAMALIMON 3:17 ပူးပေါင်းရင်းမြစ်များ

PAMUNGKAAN 9:4

Hum on ma na so tola panganonmunu, i ma juhut na laing marmudar; harana di mudar i do hosa.

2 JUJUR TAON 29:35

Tamba ni haul situtungon i, laing dihaulkon angka malim i dope tabo-tabo na sian haul tarimakasi na nipangan ni rayat i. Laing dihaulkon halahi muse do anggur na niusehon rap dohot haul situtungon i. Songon i ma pangalahona di na mangulahi dibaen ibadat di Bagas Ni Debata.

NEHEMIA 8:10

Saonnari mulak ma hamu di bagasan jop ni roha. Lehen hamu ma deba sian sipanganon dohot anggurmunu tu angka halak na marhahurangan. Ari na marhapunjungan do ari on di Tuhanta, antong ulang hamu marsak. Hamogaan na nilehen ni Tuhanta di hamu, i ma na patogu rohamunu.”

HARURUAR 27:21

Angkon pagaraon ni si Harun dohot dakdanaknia do lampu i. Di ruar ni tire panutup ni Poti Parjanjian i ma inganan ni lampu i. Di Bandar ParmiananKi, angkon torus do gara lampu sian potang ari lalu tu torang ari. Angkon dalankonon ni halak Israel dohot pomparanna do parenta on sapanjangna.”

HARURUAR 28:43

Angkon tongtong do marsaraor si Harun dohot angka dakdanaknia i muda masuk halahi tu bagasan Bandar ParmiananKu sanga donok tu langgatan laho maribadat songon malim di Inganan Na Badia. Jadi gabe nada hona bunu be halahi hara ni na tarida na niabitan ni halahi. Hot do aturan on tu si Harun dohot pomparannia.”

JEHESKIEL 33:25

Jadi hara ni i disuru Tuhan Debata i ma au palaluhon tonaNia on tu halahi, “Dipangan hamu do juhut na marmudar dope; disomba hamu gana-ganaan jana mamunu jolma hamu. Na puluk ma da hamu mandok hamu nampuna tano on.

JEHESKIEL 44:15

Didok Tuhan Debata i ma, “Di na nitadingkon ni bangso Israel Au, anggo angka malim Levi na sian pomparan ni si Zadok hot do mangoloi Au di BagasKu. Hara ni i, angkon halahi noma saonnari mangoloi Au dohot na ro tu adopanKu laho manghaulkon tabo-tabo dohot mudar na sian angka haul i.

JEHESKIEL 44:7

Madung dipahodar halahi BagasKu, angke taran manghaulkon tabo-tabo dohot mudar ni haul i tu Au dipaloas halahi do masuk tu bagasan angka halak sileban na so marsunat jana na so marpangoloion tu Au. Markite-hite angka parbuatan ni halahi na nihagigihon i, dilaosi halahi do parjanjianKu dohot halahi.

HAMALIMON 10:15

Pat na pudi dohot andora ni pahan-pahanan i, angkon taruhonon ni halahi tu hamu, hatiha dipasahat tabo-tabona i gabe haul sipanganon tu Tuhan. Angka bagian on gabe bagianmu dohot angka anakmu ma i sapanjang, songon na nidok ni Tuhan i hian.”

HAMALIMON 10:9

“Dung salpu minum aek ni anggur sanga bir, dohot angka anakmu nada tola masuk tu Bandar Parmianan i. Muda dilaosi hamu aturan i angkon mate hamu. Sude pomparanmu angkon mangoloi aturan on.

HAMALIMON 16:29

“Angka aturan on pe angkon patuluson tu zaman na giot ro sapanjangna. Di ari sampulu bulan pitu, sude halak Israel dohot angka halak na leban na rap dohot halahi, angkon marpuaso do jana nada tola mangkarejohon sanga aha pe, angke ari na sun badia do ari i. Di ari i angkon baenon do pesta paiaskon bangso Israel sian sude dosa ni halahi, anso ias halahi mangihutkon aturan ni ugamo.

HAMALIMON 16:34

Pesta on angkon baenon sanoli sataon laho paiaskon Israel sian dosa ni halahi. Songon i ma angka aturan na nigoaran i angkon patuluson ro di salolot-lolotna.” Si Musa pe dikarejohon ia ma songon na dung diparentahon ni Tuhan i.

HAMALIMON 17:7

Bangso Israel sude angkon tongtong unduk tu Tuhan jana nada tola manyambol angka pahan-pahanan di ladang i songon na giot pasahaton tu jihin na jahat na manyarupai hambeng. Angkon ihutkonon do paraturan on tongtong lalu tu pudian ni ari salolot-lolotna.

HAMALIMON 19:26

Ulang pangan juhut anggo laing marmudar dope. Ulang mamake elmu na songon dia pe.

HAMALIMON 23:14

Taran so dioban hamu silehenon i tu Tuhan, ulang pangan hamu saotik pe sian gandum na baru i, bope na mata sanga na nisaok sanga ditutung pe. Aturan on angkon ihutkonon ni sude pomparanmu lopus tu ari parpudi.

HAMALIMON 23:21

Di ari i nada tola karejohononmunu sanga aha pe, angkon marlagut do hamu pasangap Au. Angkon patuluson ni pomparanmu do paraturan on sapanjangna sanga di dia pe hamu maringanan.

HAMALIMON 24:3

Ganop andospotang pagaraon ni si Harun ma lampu i jana padiaron do i gara lopus manyogot di Bandar Parmianan Ni Tuhan di balian ni tire donok tu Poti Parjanjian na di Bilik Na Sun Badia i. Paraturan on angkon patuluson tongtong lopus tu angka ari na ro.

HAMALIMON 24:9

Ia roti i di si Harun do i dohot di pomparannia. Angkon panganon ni halahi do i di inganan na badia. Angke roti i sabagian sian na sun badia sian sipanganon na nilehen tu Tuhan do i na gabe bagian ni malim.”

HAMALIMON 3:16

Tutungon ni malim i ma sudena i di ginjang ni langgatan, gabe haul sipanganon na pajop roha ni Tuhan. Sude tabo-tabona i di Tuhan do i.

HAMALIMON 4:1

Disuru Tuhan ma si Musa,

HAMALIMON 6:15

Dung i angkon buatonnia ma sude hamonyan na adong di ginjang ni haul i, dohot sanggolom topung bope miak. Sude na nibuatnia i angkon nitutung di ginjang ni langgatan na gabe tanda ma i bahaso sudena i madung nihaulkon tu Tuhan. Uap ni haul i ma na pajop roha ni Tuhan.

HAMALIMON 6:18

Di sude hatiha di pudian ni ari, sude pomparan ni si Harun halaklahi, tola do mangankon roti i, i ma da bagian ni halahi na dung ditontuhon sian sipanganon na nipasahat tu Tuhan. Halak na asing na dais tu sipanganon na dung dihaulkon gabe badia hara hagogoan ni habadiaan ni haul i.

HAMALIMON 6:22

Lopus tu pudian ni ari sude pomparan ni si Harun, markarejo ma i gabe Malim Godang laho pasahatkon haul on. Sudena i angkon ditutung, na gabe somba-somba tu Tuhan.

HAMALIMON 7:23

di halak Israel songon on. Tabo-tabo ni lombu, biri-biri sanga hambeng, nada tola panganon.

HAMALIMON 7:34

Andora dohot patna pudi sabola siamun, i ma silehen-lehen na mardohonan na nibuat ni Tuhan sian bangso Israel bagian ni angka malim. I ma silehenon ni bangso Israel tu angka malim sapanjangna.

HAMALIMON 7:36

Di ari i ma didok Tuhan tu bangso Israel, anso sian haul na nioban ni halahi, sian i ma angkon lehenon ni halahi tu angka malim. Aturan on angkon oloan ni halak Israel sapanjangna.

BILANGAN 19:21

Tongtong do angkon patulusonmunu aturan on ro di salolotna. Halak na mamispiskon aek i pe angkon dibaen ia pakeannia. Sanga ise na manjama aek i, tongtong do ramun ia, lalu tu andospotang.

MATEUS 16:24

Dung i didok Jesus ma tu anak siseanNia i, “Muda adong halak na giot mangihutkon Au, angkon dihalupahon ia do dirina sandiri, dung i diporsan ia ma silangna dung i pe anso diihutkon Au.

MATEUS 26:28

Angke on ma mudarKu na gabe jaminan ni parjanjian ni Debata. Niduruskon do mudarKon hara ni bahat halak, gabe hasesaan ni dosa.

BAENON NI ANGKA RASUL 15:29

Ulang ma pangan hamu sipanganon na nihaulkon tu gana-ganaan, ulang pangan hamu mudar, ulang pangan hamu binatang na nisongkik, jana ulang ma adong sian hamu angka pangalaho na markarosuan. Muda dipadao hamu dirimunu sian angka pangalaho na songon i, na denggan noma baenonmunu. Horas ma di hamu, botima!”

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

EPESUS 5:26

Dibaen Kristus do songon i anso tarpaias Ia parlagutan i dohot ajaranNia bope markite-hite aek pandidion, anso tarpasahat Ia muse parlagutan i tu Debata.

PANGARATAION 12:16

Tapi anggo mudar ni binatang i ulang cubo-cubo hamu mangankonsa; tapi angkon diduruskon do i tu tano songon aek.

PANGARATAION 12:23

Hum juhut na laing marmudar do na so tola panganonmunu, angke di mudar i do hosa, jadi nada tola hamu mangankon ngolu i rap dohot juhutna.

PANGARATAION 12:24

Ulang cubo-cubo hamu mangankon mudar, tapi duruskon hamu ma i tu tano songon aek.

PANGARATAION 15:23

Tapi anggo mudarna i ulang pangan hamu, tapi angkon duruskononmunu do i tu tano songon aek.”

PANGARATAION 32:14

Dumenggan pahan-pahananna boti bahat susuna; gandum dohot aek ni anggur, i noma na dumengganna.

1 TIMOTEUS 4:4

Denggan do sasudena sanga aha na nijadihon ni Debata, sada pe sian i nada tama etongon na so hasaya muda dung nijagit i mardongan hatarimakasion tu Debata.