HAMALIMON 3:11 - BIBEL JAMITA NA DENGGAN

¹¹ Angkon tutungon ni malim na markarejo disi sudena i di ginjang ni langgatan gabe haul sipanganon di Tuhan.

HAMALIMON 3:11 ပူးပေါင်းရင်းမြစ်များ

MASMUR 22:14

Abis ma sude gogongku, songon aek na durus tu tano, martalgangan sude holi-holingki, ate-ate i pe malala songon lilin na hona api.

JEHESKIEL 44:7

Madung dipahodar halahi BagasKu, angke taran manghaulkon tabo-tabo dohot mudar ni haul i tu Au dipaloas halahi do masuk tu bagasan angka halak sileban na so marsunat jana na so marpangoloion tu Au. Markite-hite angka parbuatan ni halahi na nihagigihon i, dilaosi halahi do parjanjianKu dohot halahi.

HAMALIMON 21:17

mandok hata on tu si Harun, “Sian pomparanmu, muda adong na martihas pamatangna, nada tola pasahatkon haul sipanganon tu Au. Angkon songon i do tongtong lopus tu pudian ni ari.

HAMALIMON 21:6

Au do nampuna jana mamili ia, hara ni i nada tola palayasonnia goarKu. Ia do na pasahatkon sipanganon di Au, hara ni i angkon badia do ia.

HAMALIMON 21:8

Angkon okuon ni halak na bahat do bahaso hapunjunganKu do malim, angke ia do na pasahatkon haul sipanganon di Au. Au do Tuhan na badia, jana Au do pabadiahon bangsongKu.

HAMALIMON 22:25

Pahan-pahanan na nijagit sian halak na leban nada tola lehenon gabe haul sipanganon. Pahan-pahanan na songon i na martihas do i etongon gabe nada dijagit Tuhan i.

HAMALIMON 3:16

Tutungon ni malim i ma sudena i di ginjang ni langgatan, gabe haul sipanganon na pajop roha ni Tuhan. Sude tabo-tabona i di Tuhan do i.

HAMALIMON 3:5

Sudena i rap dohot haul situtungon na asing i, tutungon ni malim ma i di ginjang ni langgatan i. Uap ni haul sipanganon i ma pajop roha ni Tuhan.

MALEAKI 1:12

Tapi anggo hamu madung marlayas goarKu dibaen hamu, hara ni hatamunu, “Langgatan ni Tuhan, madung marlayas bope na dihaulkon di ginjangna madung gabe haul na ramun.”

MALEAKI 1:7

Songon on ma da dibaen hamu palayaskon Au. Dihaulkon hamu do sipanganon na so patut sihaulkonon di ginjang ni langgatanKu. Dung i disapai hamu ma, ‘Bia ma he hami baen na so hami parsangapi Ho?’ Hudok ma: Nayang do di rohamunu langgatanKi.

BILANGAN 28:2

“Parentahon ma tu bangso Israel, anso tongtong diingot halahi manghaulkon haul sipanganon na pajob roha ni Tuhan, hombar tu hatiha na dung ditontuhon.”

BILANGAN 28:24

Dos dohot i pangalahona angkon lehenonmunu tu Tuhan haul sipanganon pitu ari honokna. Tamba ni haul na somal di haul situtungon siganop ari do on rap dohot haul anggur. Uap ni haul i pajopkon roha ni Tuhan.

SURAT NI SI PAULUS TU PARLAGUTAN ROM 8:32

Ia na so mangolani anakNia sandiri, tapi dipasahat Ia do anakNa i hara ni hita sude; nada he lehenonNia muse tu hita sasudena na asing i rap dohot AnakNa i?

1 KORINTUS 10:21

Nada tola hamu minum sian anggur ni Tuhan, diinum hamu muse sian panginuman anggur ni tondi na jahat i. Nada tola hamu mangan di meja ni Tuhan dohot muse di meja ni tondi na jahat.

HALUMBAAN 3:20

Ligi ma! Jongjong do Au di jolo ni pintu manektek. Muda adong halak na umbege sorangKi, gabe dibuka ia pintu i, masuk ma Au mandapotkon ia; mangan ma Au rap dohot ia jana ia rap dohot Au.