HAMALIMON 27:3 - BIBEL JAMITA NA DENGGAN

^3-7 Mangihutkon arga na dung ditotopkon: – halaklahi sian umur dua pulu tu onom pulu taon, 50 hepeng perak – dadaboru na magodang 30 pulu hepeng perak – anak halaklahi, umur lima tu dua pulu taon, 20 hepeng perak – anak dadaboru 10 hepeng perak – anak halaklahi na menek di toru ni lima taon 5 hepeng perak – anak dadaboru na menek 3 hepeng perak – halaklahi di ginjang ni 60 taon, 15 hepeng perak – dadaboru di ginjang ni 60 taon, 10 hepeng perak.

HAMALIMON 27:3 ပူးပေါင်းရင်းမြစ်များ

2 RAJA-RAJA 12:4

Sanoli dipio si Joas ma angka malim, jana disuru ia ma halahi pasimpan hepeng na dapot sian na nipasahat di Bagas Ni Debata, betak na panggararan ni na mandalankon haul pe i, sanga pe hepeng silehen-lehen.

HARURUAR 30:13

Songon on ma haul ni halahi, tarmasuk ma disi angka halak na tardaftar i; satonga sikal, na nitimbang di sikal na badia – dua pulu gera boratna sikal on; – satonga sikal on ma boratna haul sipasahaton tu Tuhan.

HARURUAR 38:24

Sere na dihaulkon baen tu Bandar Na Badia pungu ma sude saribu kilo, na ditimbang mangihutkon timbangan na rasmi.

HAMALIMON 27:14

Muda dilehen sada halak bagasnia tu Tuhan, tontuhonon ni malim ma argana mangihutkon pangalaho ni bagas i. Arga na dung ditontuhon i nada tola be tawaron.

HAMALIMON 27:25

Sude arga ditontuhon mangihutkon arga na dung ditotopkon.

HAMALIMON 5:15

Muda adong sada halak na mardosa so hara ni na niuntilna, hara ni na lalap ia pasahat silehen-lehen na patut tu Tuhan, angkon obanon ni halahi ma haul tobus ni hasalaan. Ia haul i, i ma sada biri-biri sanga hambeng jantan na so martihas. Diasam ma argana mangihutkon arga markite ukuran na marlaku di inganan na badia i.

HAMALIMON 6:6

Songon haul partobus ni hasalaan tu Tuhan, angkon obanon ni halahi ma tu malim sada biri-biri sanga sada hambeng jantan na so martihas. Asamon ma argana mangihutkon arga na dung ditontuhon.

BILANGAN 18:16

Tobuson do dakdanak i hatiha marumur sabulan. Arga na dung ditontuhon tusi, i ma lima hepeng perak mangihutkon ukuran na rasmi.

BILANGAN 3:47

Ganop sada dakdanak, gararonmunu lima hepeng perak mangihutkon na dung ditotopkon,